ရီးရဲလ်မက်ဒရစ်ကို အနိုင်ယူကျော်ဖြတ်ခဲ့တဲ့ အာဆင်နယ်အမျိုးသမီးအသင်းရဲ့ နိုင်ပွဲက အမျိုးသား အသင်းအတွက်ပါ စိတ်ဓာတ်လှုံဆောင်မှုပေးနိုင်ကြောင်း ဗြိတိန်မီဒီယာတွေက ဖော်ပြပါတယ်။
အာဆင်နယ်အမျိုးသမီးအသင်းဟာ ချန်ပီယံလိဂ်ကွာတားဖိုင်နယ်မှာ ရီးရဲလ်မက်ဒရစ်အမျိုးသမီး အသင်းနဲ့ ယှဉ်ပြိုင်ခဲ့ရာမှာ ပထမအကျော့က ၂ ဂိုးပြတ် ရှုံးနိမ့်ခဲ့ပေမဲ့ ဒုတိယအကျော့အိမ်ကွင်းမှာ ၃ဂိုး ဂိုး မရှိနဲ့ ပြန်လည်အနိုင်ယူပြီး ဆီမီးဖိုင်နယ် တက်ရောက်နိုင်ခဲ့တာပါ။
အာဆင်နယ်အမျိုးသားအသင်းဟာလည်း ချန်ပီယံလိဂ်ကွာတားဖိုင်နယ်မှာ ရီးရဲလ်မက်ဒရစ်နဲ့ တွေ့ဆုံနေပြီး လာမယ့် ဧပြီ ၉ ရက်မှာ ပထမအကျော့ပွဲစဉ် စတင်ကစားရမှာပါ။ ဆီမီးဖိုင်နယ်မှာ အာဆင်နယ်က နာမည်ကြီး လိုင်ယွန်အမျိုးသမီးအသင်းနဲ့ ယှဉ်ပြိုင်သွားရမှာပါ။
အာဆင်နယ်အမျိုးသမီးအသင်းဟာ အင်္ဂလန်အသင်းတွေထဲမှာ ဥရောပချန်ပီယံလိဂ်ဆုဖလားကို ရယူနိုင်တဲ့ တသင်းတည်းသော အမျိုးသမီးအသင်းအဖြစ် မှတ်တမ်းဝင်ထားပါတယ်။
Photo-Reuters
