ဆာကာ အပါအဝင် အဓိက ကစားသမား ၃ ဦးကို အာဆင်နယ် စာချုပ်သက်တမ်းတိုးမည်
DVB
·
March 19, 2025
အာဆင်နယ်အသင်းဟာ တောင်ပံတိုက်စစ်ကစားသမား ဘူကာရိုဆာကာ အပါအဝင် အဓိက ကစားသမား ၃ ယောက်ကို စာချုပ်သက်တမ်းတိုးဖို့ စီစဉ်နေပါတယ်။
ဆာကာရဲ့ စာချုပ်သက်တမ်းက ၂၀၂၇ ခုနှစ်မှာ ကုန်ဆုံးမှာဖြစ်ပြီး အာဆင်နယ်အသင်းက ကာလရှည်စာချုပ်တရပ်နဲ့ အသင်းမှာဆက်ထိန်းဖို့ ပြင်ဆင်လာခဲ့တာပါ။
အာဆင်နယ်မှာ နောက်ခံလူ ၂ ယောက်ဖြစ်တဲ့ ဂါဘရီယယ်နဲ့ ဆာလီဘာတို့လည်း ၂၀၂၇ ခုနှစ်မှာ စာချုပ်သက်တမ်းကုန်ဆုံးမှာပါ။
ဒီအခြေအနေကြောင့် အဲဒီကစာသမား ၃ ယောက်ကို စာချုပ်သက်တမ်းတိုးသွားဖို့ အာဆင်နယ်အသင်းက လုပ်ဆောင်လာခဲ့တာပါ။
ပြင်သစ်နောက်ခံလူ ဆာလီဘာကို ရီးရဲလ်မက်ဒရစ်အသင်းက ခေါ်ယူမယ်ဆိုတဲ့ သတင်းတွေလည်း ထွက်နေတာပါ။
အဆိုပါ ကစားသမား ၃ ယောက်ဟာ စာချုပ်သက်တမ်းတိုးဖြစ်မယ်ဆိုရင် လုပ်ခလစာပါ တိုးမြှင့်ရရှိမှာ ဖြစ်ပါတယ်။
