မကွေးတိုင်း၊ စလင်းမြို့နယ်မှာ မတ် ၂၄ ရက် မနက်ပိုင်းမှာ စစ်ကောင်စီတပ်က လေကြောင်းတိုက်ခိုက်ခဲ့လို့ ဘုန်းကြီးတပါး အပါအဝင် ၃ ယောက်ဒဏ်ရာရရှိခဲ့တယ်လို့ ဒေသခံတွေဆီကနေ သိရပါတယ်။
စလင်းမြို့နယ်၊ ဂွေးပင်ကျေးရွာက ရွှေစာရံဘုန်းကြီးကျောင်းကို မတ် ၂၄ ရက် မနက် ၁၀ နာရီလောက်မှာ စစ်ကောင်စီက ဂျက်တိုက်လေယာဥ် ၂ စီးနဲ့ ဗုံးကြဲကာ စက်လတ်တွေတဲ့လည်း ပစ်ခတ်ခဲ့တယ်လို့ စလင်းမြို့နယ်ဒေသခံတယောက်က DVB ကို ပြောပါတယ်။
အဲဒီလေကြောင်းတိုက်ခိုက်မှုကြောင့် ရွှေစာရံဘုန်းကြီးကျောင်းက သက်တော် ၇၀ ကျော်အရွယ် ဘုန်းကြီးတပါးနဲ့ အသက် ၂၀ ဝန်းကျင်လူငယ် ၂ ယောက်ဒဏ်ရာရရှိခဲ့လို့ ဆေးဝါးကုသမှုခံယူနေရတယ်လို့ ဆိုပါတယ်။
စလင်းမြို့နယ်မှာ မတ် ၂၀ ရက် ညနေပိုင်းမှာလည်း စစ်ကောင်စီတပ်က လေကြောင်းတိုက်ခိုက်လို့ ပြည်သူတယောက်သေဆုံးကာ ၃ ယောက်ဒဏ်ရာရရှိခဲ့တယ်လို့ ဒေသခံတွေဆီကနေသိရပါတယ်။
စလင်းမြို့နယ်ကို စစ်ကောင်စီတပ်က စစ်ကြောင်းထိုးနေလို့ ကျေးရွာ ၁၀ ရွာကျော်လောက်က ဒေသခံပြည်သူ ၅၀၀၀ ထက်မနည်း ဘေးလွတ်ရာနေရာတွေကို ထွက်ပြေး တိမ်းရှောင်နေရတယ်လို့ ဒေသခံတွေဆီကနေ သိရပါတယ်။
