ကရင်ပြည်နယ် လှိုင်းဘွဲမြို့အတွင်း ကရင်အမျိုးသားအစည်းအရုံး/ ကရင်အမျိုးသား လွတ်မြောက်ရေးတပ်မတော် (KNU/KNLA) တပ်မဟာ ၇ ဌာနချုပ်ကို မတ် ၁၈ ရက် မနက်အစောပိုင်းမှာ စစ်ကောင်စီက ကာမီကာဇေ ဒရုန်းနဲ့ လာရောက်ဗုံးကြဲခဲ့တယ်လို့ တပ်မဟာ ၇ တာဝန်ရှိသူတယောက်က ပြောပါတယ်။ 

“ကာမီကာဇေ လေယာဥ်အငယ် (ဒရုန်း) တွေ ဌာနချုပ်ရဲ့အနောက်ဘက်မှ ပျံသန်းလာတာကို တွေ့ရှိရပြီး ၃ နာရီအချိန်မှ ဗုံးပေါက်ကွဲသံ စတင်ကြားရပါတယ်။ နောက်ထပ်တလုံးကတော့ မိနစ်ပိုင်းသာသာ အချိန်ကြာပြီးမှ ပေါက်ကွဲသံကြားရတယ်။”

ကာမီကာဇေ ဒရုန်းနဲ့ ဗုံးကြဲတာကြောင့် KNLA စစ်ဦးစီးချုပ်အိမ်ရဲ့ မီတာ ၄၀ လောက်အကွာ အရှေ့ဘက်တလုံး၊ အနောက်ဘက် တလုံး၊ မြောက်ဘက်တလုံး ကျရောက်ပေါက်ကွဲပြီး ထိခိုက်ဒဏ်ရာရတာတော့ မရှိဘူးလို့ သိရပါတယ်။