ဥရောပကို ရုရှားရန်ကနေ ကာကွယ်ရေး ပူးတွဲစစ်ရေးလေ့ကျင့်မှုက အရေးကြီးတယ်လို့ အမေရိကန်နဲ့ ဗြိတိန်တပ်မှူးတွေက မတ် ၁၁ ရက်မှာ ပြောပါတယ်။

အမေရိကန်သမ္မတ ဒေါ်နယ်ထရမ့်ပ်က ရုရှားအစိုးရကို ချဉ်းကပ်ပုံအရ မြောက်အတ္တလန္တိတ် စစ်ရေးမဟာမိတ်အဖွဲ့ (NATO) အပေါ်ထားတဲ့ အမေရိကန်အစိုးရရဲ့ ကတိကဝတ်အပေါ် သံသယတွေ ပွားများလာပြီးနောက် ခုလိုပြောလိုက်တာပါ။

ရုရှားက ယူကရိန်းကို ကျူးကျော်အပြီး ဥရောပမှာ စစ်ဆင်ရေး ၉ ခု ပြီးမြောက်ခဲ့တဲ့ ဗုံးကြဲတပ်ဖွဲ့ကို NATO ရဲ့ လက်ထောက် လေတပ်မှူးအဖြစ် တာဝန်ထမ်းဆောင်နေတဲ့ ဗြိတိန်အရာရှိ လေတပ်ဦးစီးချုပ် ဂျွန်နီ စထရင်းဂါးနဲ့ အမေရိကန်ရဲ့ အမှတ် ၈ လေတပ် စစ်ဦးစီးမှူး ဗိုလ်ချုပ်ကြီး ဂျေဆွန် အာမာဂို့စ်တို့ အတူ ချီးကျူးဂုဏ်ပြုခဲ့ပါတယ်။

ထရမ့်ပ်အစိုးရလက်ထက် NATO နဲ့ အမေရိကန် အနာဂတ် ပူးပေါင်းဆောင်ရွက်ရေး မသေချာ မရေရာမှုနဲ့ ပတ်သက်ပြီး မေးချိန်မှာ ၂ ယောက်စလုံးက နိုင်ငံရေးကို နိုင်ငံရေးသမားတွေအတွက် ထားဖို့ စိတ်အားထက်သန်ခဲ့ကြပေမဲ့ အမေရိကန်နဲ့ ဥရောပအကြား ပူးပေါင်းဆောင်ရွက်မှုက လုံခြုံရေးကို ပိုမိုခိုင်မာစေတယ်လို့ သူတို့ ၂ ယောက်စလုံးက ယုံနေတာ ရှင်းနေတယ်လို့ ရိုက်တာ သတင်းဌာနက ဖော်ပြပါတယ်။

Source : Reuters