ဘရာဇီးနဲ့ ရီးရဲလ်မက်ဒရစ်နောက်ခံလူဟောင်း မယ်ဆယ်လိုဟာ အသက် ၃၆ နှစ်အရွယ်မှာ ကစားသမားဘဝကနေ အနားယူကြောင်း ကြေညာသွားပါတယ်။
၂၀၂၃ ခုနှစ်က မွေးရပ်မြေကလပ် ဖလူမင်နိစ် အသင်းဆီ ပြောင်းရွှေ့ကစားခဲ့တဲ့ ဘယ်နောက်ခံလူဟာ ဘရာဇီးလိဂ်မှာ ၂ ရာသီပြန် ကစားခဲ့ပြီးနောက် ကစားသမားဘဝကနေ အနားယူဖို့ ဆုံးဖြတ်ခဲ့တာပါ။
မက်ဒရစ်အသင်းမှာ ၂၀၀၆ ခုနှစ်ကနေ ၂၀၂၂ ခုနှစ်အထိ ကစားခဲ့တဲ့ မာဆယ်လိုဟာ အသင်းနဲ့အတူ ချန်ပီယံလိဂ်ဆုဖလား ၅ ကြိမ် အပါအဝင်စုစုပေါင်း ဆုဖလား ၂၅ လုံးရယူနိုင်ခဲ့သူပါ။
ဘရာဇီးအသင်းအတွက်လည်း ၅၈ ပွဲ ကစားခဲ့တဲ့ မာဆယ်လိုဟာ ကစားသမားဘဝတလျှောက် ဆုဖလား ၂၈ လုံးအထိ ရယူနိုင်ခဲ့ပါတယ်။
ဘောလုံးအပေါ် ချစ်မြတ်နိုးစိတ်က အဘိုးဖြစ်သူဆီကနေ ရရှိခဲ့ပြီး ဘောလုံးသမားဖြစ်လာဖို့ အရာအားလုံး ကူညီပေးခဲ့သူဖြစ်ကြောင်း၊ မက်ဒရစ်သားတယောက် အဖြစ် ဂုဏ်ယူစွာ ပြောဆိုနိုင်တဲ့အပေါ် ဝမ်းမြောက်ကြောင်း၊ ဘရာဇီးအသင်းအတွက် ကိုယ်စားပြုကစားခဲ့ရတဲ့ အပေါ် ဂုဏ်ယူမိကြောင်း မာဆယ်လိုက ပြောပါတယ်။
ကစားသမားဘဝအဆုံးသတ်သွားပြီဖြစ်ပေမဲ့ ဘောလုံးအပေါ် ပေးဆပ်သွားစရာ တွေအများကြီး ရှိသေးကြောင်း မာဆယ်လိုက ပြောသွားပါတယ်။
Photo: Reuters
