ကယ်လီဖိုးနီးယားတွင် ရေနံချက်စက်ရုံ မီးလောင်ပြီး လူ ၆ ဦး ထိခိုက်ဒဏ်ရာရ
DVB
·
February 3, 2025
အမေရိကန်ပြည်ထောင်စု၊ ကယ်လီဖိုးနီးယားပြည်နယ်ရှိ မာတီးနက်ဇ် ရေနံချက်စက်ရုံ မီးလောင်ရာမှာ ဒဏ်ရာရသူ အများအပြား ရှိခဲ့တယ်လို့ ဒေသန္တရ ဆေးဘက်ဆိုင်ရာဌာန က ဖေဖော်ဝါရီ ၁ ရက်မှာ ပြောပါတယ်။
မီးလောင်မှုကြောင့် စက်ရုံက အလုပ်သမား ၆ ယောက် ဒဏ်ရာရရှိခဲ့ပြီး ၄ ယောက်ကို ဆေးရုံတင်ထားရတယ်လို့ မီးဘေးကာကွယ်ရေးဌာနက ဆိုပါတယ်။
အနီးနားက ရပ်ကွက်တွေမှာ နေသူတွေ အိမ်ထဲမှာပဲ နေကြဖို့၊ ပြတင်းပေါက်တွေနဲ့ လေဝင်ပေါက်တွေ အားလုံးကို ပိတ်ထားဖို့ မီးခိုးတွေကနေ ကာကွယ်နိုင်ရေးအတွက် စိုစွတ်တဲ့ မျက်နှာသုတ်ပဝါတွေကို သုံးဖို့၊ တိပ်တွေနဲ့ တံခါးတွေ ပတ်ပတ်လည်နဲ့ အက်ကွဲကြောင်းတွေကို ဖုံးအုပ်ထားဖို့ အကြံပြုထားပါတယ်။
အနီးပတ်ဝန်းကျင်က လေထုအရည်အသွေးက လုံလုံလောက်လောက် ကောင်းမွန်လာပြီးတဲ့ နောက်မှာတော့ ပြည်သူ့ကျန်းမာရေး အကြံပေးချက်ကို ရုပ်သိမ်းလိုက်ပါတယ်။
Source : Reuters
