ရင်ဆိုင်ခဲ့ဖူးသမျှ အခက်ခဲဆုံး နောက်ခံလူကို စီရော်နယ်ဒို ထုတ်ဖော်ပြောဆို
DVB
·
January 28, 2025
ကစားသမားဘဝတလျှောက် ရင်ဆိုင်ခဲ့ဖူးသမျှထဲမှာ အခက်ခဲဆုံး နောက်ခံလူကို ပေါ်တူဂီတိုက်စစ်မှူး စီရော်နယ်ဒိုက ထုတ်ဖော်ပြောပြသွားပါတယ်။
ဆော်ဒီကလပ် အယ်လ်နာဆာမှာ ကစားနေဆဲဖြစ်တဲ့ စီရော်နယ်ဒိုဟာ သူ့ရဲ့ ကစားသမားဘ၀ ၂၂ နှစ်တာကာလအတွင်းမှာ ထိပ်တန်းနောက်ခံလူ အများအပြားနဲ့ ရင်ဆိုင်ခဲ့ဖူးသူပါ။
စီရော်နယ်ဒိုအတွက် အခက်ခဲဆုံးနောက်ခံလူက အာဆင်နယ်နဲ့ ချဲလ်ဆီးနောက်ခံလူဟောင်း အက်ရှ်လေကိုးလ် ဖြစ်ပြီး အလွန်ဇွဲနပဲကြီးပြီး အသက်ရှူခွင့်မရအောင် ကျားကုတ်ကျားခဲ ယှဉ်ပြိုင်ကစားတတ်တာကြောင့် ဘယ်တော့မှ မလွယ်ကူခဲ့ကြောင်း စီရော်နယ်ဒိုက ပြောပါတယ်။
ပရီးမီးယားလိဂ်သမိုင်းမှာ အကောင်းဆုံး ဘယ်နောက်ခံလူတယောက်အဖြစ် သတ်မှတ်ခံထားရတဲ့ အက်ရှ်လေကိုးလ်ဟာ အာဆင်နယ်နဲ့ ချဲလ်ဆီးမှာ ကစားစဉ်က စီရော်နယ်ဒိုနဲ့ အကြိမ်အများဆုံး ရင်ဆိုင်ခဲ့ဖူးတာ ဖြစ်ပါတယ်။
