အာရက္ခတပ်တော် (AA) ကဖမ်းဆီးထားတဲ့ စစ်သုံ့ပန်းတွေကို ညှဉ်းပန်းနှိပ်စက်နေတဲ့ ရုပ်သံဖိုင်တခု ထွက်ပေါ်လာအပြီးမှာ စစ်ရာဇဝတ်မှုမြောက်တဲ့ လုပ်ဆောင်ချက်တွေဖြစ်လို့ စုံစမ်းစစ်ဆေးသင့်တယ်လို့ အရှေ့တောင်အာရှအခြေစိုက် လူ့အခွင့်အရေးအဖွဲ့ဖြစ်တဲ့ Fortify Rights အဖွဲ့က ဇန်နဝါရီ ၂၃ ရက်က ထုတ်ပြန် ပါတယ်။
ရုပ်သံဖိုင်မှာ ရက္ခိုင့်တပ်တော်ဖွဲ့ဝင်တချို့က စစ်ကောင်စီတပ်သားနဲ့ အရပ်ဝတ်နဲ့ဖမ်းဆီးထားသူ ၂ ယောက်ကို ညှဉ်းပန်းနှိပ်စက်သတ်ဖြတ်နေတာကိုတွေ့ရှိထားပြီး ဗီဒီယိုမှတ်တမ်းတွေဟာ စစ်မှန်နေတယ်လို့ Fortify Rights ကတွေ့ရှိခဲ့တာဖြစ်ပါတယ်။
Fortify Rights လူ့အခွင့်အရေးဆိုင်ရာ စုံစမ်းစစ်ဆေးရေးတာဝန်ခံ ဧဂျက်ဇ်မင်းခန့်က “အရပ်သားတွေ သို့မဟုတ် ဖမ်းဆီးထားတဲ့ ရန်သူ့တပ်သားတွေကို ညှဉ်းပန်းနှိပ်စက်ပြီး တရား လက်လွတ်ကွပ်မျက်တာ စစ်ရာဇဝတ်မှုမြောက်တယ်”လို့ က ပြောပါတယ်။
ဒါနဲ့ပတ်သက်လို့ AA ရဲ့ပြောခွင့်ရ ဦးခိုင်သုခကတော့ ဒီဖြစ်ရပ်ကိုဝန်ခံထားပြီး စစ်ရာဇဝတ်မှု ကျူးလွန်ခဲ့တဲ့တပ်သားတွေကို အပြစ်ပေး ထားပြီးဖြစ်တယ်လို့ ရခိုင်ပြည်နယ် အခြေစိုက်မီဒီယာတချို့နဲ့ သတင်းမီဒီယာတချို့ကို ပြောထား ပါတယ်။
