မန်စီးတီးတောင်ပံကစားသမား ဂျက်ဂရေးလစ်ရှ်ကို ခေါ်ယူလိုတဲ့အသင်းတွေထဲမှာ မန်ယူအသင်းလည်း ပါဝင်လာပါတယ်။
အင်္ဂလန်တောင်ပံကစားသမားဟာ ဘရာဇီးကစားသမား ဆာဗင်ဟို ရောက်ရှိလာပြီးနောက် ပွဲကစားချိန် နည်းပါးသွားခဲ့ပြီး ပုံမှန်ပွဲထွက်ခွင့် ဆုံးရှုံးသွားခဲ့သူပါ။
နည်းပြ ဂွါဒီယိုလာ ကိုယ်တိုင်ကလည်း ဂျက်ဂရေးလစ်ရှ်ဟာ ဆာဗင်ဟိုရဲ့ခြေစွမ်းလောက် ကောင်းမွန်မှု မရှိသေးတာကြောင့် ပွဲထွက်ခွင့်မရ ဖြစ်နေတာဖြစ်ပြီး တရာသီအတွင်း ဆုဖလား ၃ လုံး ရယူခဲ့စဉ်က ခြေစွမ်းမျိုး ပြန်လည်ရရှိဖို့ မျှော်လင့်ကြောင်း ပြောပါတယ်။
မန်စီးတီးမှာ အဆင်မပြေဖြစ်လာတဲ့ ဂရေးလစ်ရှ်ကို ခေါ်ယူဖို့ မန်ယူနည်းပြ အာမိုရင်က စိတ်ဝင်စားနေပြီး အက်စတန်ဗီလာ၊ နယူးကာဆယ်နဲ့ စပါးအသင်းတွေကလည်း ဂရေးလစ်ရှ်ကို ခေါ်ယူလိုနေပါတယ်။
ဒါ့အပြင် အင်တာမီလန်နဲ့ ဒေါ့မွန်အသင်းတို့လို ဥရောပထိပ်တန်းအသင်းတွေဟာလည်း ဇန်နဝါရီဈေးကွက်မှာ အသင်းပြောင်းရွှေ့နိုင်တဲ့ ဂရေးလစ်ရှ်ရဲ့ အခြေအနေကို စောင့်ကြည့်နေပါတယ်။
