ဆော်ဒီကလပ် အယ်ဟီလယ်အသင်းဟာ လီဗာပူးကစားသမား ဆာလာကို ၂ နှစ်စာလုပ်ခအဖြစ် ပေါင် ၆၅ သန်း ပေးပြီး ခေါ်ယူဖို့ စီစဉ်နေပါတယ်။
အီဂျစ်ကစားသမားဟာ လီဗာပူးနဲ့ စာချုပ်သက်တမ်းတိုးဖို့ အဆင်မဖြစ်နေသူဖြစ်ပြီး ရာသီကုန်မှာ စာချုပ်သက်တမ်းကုန်ဆုံးမှာဖြစ်လို့ အလွတ်ပြောင်းရွှေ့ကြေးနဲ့ လီဗာပူးအသင်းက လက်လွှတ်ရဖို့ ရှိပါတယ်။
ဆော်ဒီနိုင်ငံရဲ့ အထွေထွေဖျော်ဖြေရေးအဖွဲ့ တာဝန်ရှိသူ တာကီအာလယ်ရှိတ်ဟာ အယ်ဟီလာဂျာစီဝတ်ဆင်ပြီး ပြုပြင်ထားတဲ့ ဆာလာရဲ့ ဓာတ်ပုံကို ဆိုရှယ်မီဒီယာကနေ ပြန်လည်ဝေမျှခဲ့ပြီး ဆာလာကိုခေါ်ယူဖို ကြိုးပမ်းနေတဲ့အကြောင်း အသိပေးခဲ့ ပါတယ်။
အသက် ၃၂ နှစ်ရှိ ဆာလာဟာ လီဗာပူးအသင်းရဲ့ အကြီးမြတ်ဆုံး ကစားသမားတွေထဲက တယောက်အဖြစ် သတ်မှတ်ခံထားရပြီး စုစုပေါင်း ၃၇၆ ပွဲမှာ ၂၃၂ ဂိုးအထိသွင်းယူ ထားပါတယ်။
ဆာလာအနေနဲ့ အယ်ဟီလာဆီပြောင်းရွှေ့ဖြစ်မယ်ဆိုရင် နေမာ၊ ကန်ဆယ်လို၊ ရူဘင် နီဗက်စ် အစရှိတဲ့ ကစားသမားတွေနဲ့အတူ တသင်းထဲမှာအတူကစားသွားရမှာ ဖြစ်ပါတယ်။
Photo-Reuters
