စပိန်နိုင်ငံ၊ မြို့တော်မက်ဒရစ်က ရာနဲ့ချီတဲ့ ခွေးတွေနဲ့ ခွေးပိုင်ရှင်တွေဟာ ဒီဇင်ဘာ ၃၀ ရက်မှာ ဆန်ပရက်စထရီလို့ ခေါ်တဲ့ ရိုးရာခွေးကျောင်းပွဲမှာ ပါဝင်ဆင်နွှဲခဲ့ကြပါတယ်။

ဒီနှစ်မှာတော့ စပိန်ရဲ့ တတိယအကြီးဆုံးမြို့ ဗလန်စီယာမှာ အဆိုးရွားဆုံးရေကြီးမှုကြောင့် ထိခိုက်ခဲ့တဲ့ တိရစ္ဆာန်စောင့်ရှောက်ရေး ဂေဟာတွေအတွက် ရန်ပုံငွေပွဲအဖြစ်ပါ ကျင်းပခဲ့တာဖြစ်ပါတယ်။

တိရစ္ဆာန်ကာကွယ်ရေးအဖွဲ့ El Refugio က တိရစ္ဆာန်ညှည်းပန်းနှိပ်စက်မှု၊ စွန့်ပစ်မှု ဆန့်ကျင်ရေး လှုံ့ဆော်တဲ့အနေနဲ့ ဒီပွဲကို ဦးစီးကျင်းပတာဖြစ်ပါတယ်။

ရိုးရာအစဉ်အလာအတိုင်း ကျင်းပနေကျ လူအပြေးပြိုင်ပွဲ San Silvestre နဲ့ ဆင်တူ ခွေးပြိုင်ပွဲ၊ ခွေးကျောင်းပွဲကို ကျင်းပတာဖြစ်ပါတယ်။

အလှဆင်ထားတဲ့ ခွေးကလေးတွေ၊ ဆန်တာနဲ့ အခြား ပွဲတော်ဝတ်စုံ အမျိုးမျိုးဝတ်ဆင်ထားတဲ့ သခင်တွေဟာ စပိန်မြို့တော်က ပူအာတာဒယ်လ်ဆိုး ရင်ပြင်နဲ့ အခြားအထိမ်းအမှတ်နေရာတွေမှာ ချီတက်ခဲ့ကြတာ ဖြစ်ပါတယ်။

Source : Reuters