အဲဗာတန်နှင့် သရေရလဒ်အပေါ် ကျေနပ်ဟု ချဲလ်ဆီးနည်းပြ မာရက်စ်ကာ ပြော
DVB
·
December 23, 2024
အဲဗာတန်နဲ့ သရေရလဒ်အပေါ် ကျေနပ်ကြောင်း ချဲလ်ဆီးနည်းပြ မာရက်စ်ကာက ပြောသွားပါတယ်။
ချဲလ်ဆီးအသင်းဟာ အနိုင် ၃ မှတ်ရမယ်ဆိုရင် လီဗာပူးပွဲ မကစားခင် အမှတ်ပေးဇယား ထိပ်ဆုံးနေရာမှာ ဦးဆောင်နိုင်မှာဖြစ်ပေမဲ့ သရေကျခဲ့လို့ ဒီအခွင့်အရေး မရခဲ့ပါဘူး။
အဲဗာတန်အသင်းက ထိပ်တန်းအဆင့် ခံစစ်စွမ်းဆောင်ရည် ပိုင်ဆိုင်ထားပြီး ဥရောပလိဂ်တွေထဲမှာ ပေးဂိုးမရှိတဲ့ ပွဲအများဆုံးအသင်းတသင်း ဖြစ်တာကြောင့် သရေရလဒ်အပေါ် ကျေနပ်ကြောင်း နည်းပြ မာရက်စ်ကာက ပြောသွားတာပါ။
ချဲလ်ဆီးဟာ ပွဲစဉ် ၁၇ အပြီးမှာ လီဗာပူးထက် တပွဲပို ကစားထားပြီး ၄ မှတ် အကွာနဲ့ နောက်က လိုက်နေပါတယ်။
