တိုက်စစ်မှူး ရက်ရှ်ဖို့ဒ် အကောင်းဆုံးခြေစွမ်းပြနိုင်ဖို့ ကူညီပေးသွားမယ်လို့ နည်းပြအာမိုရင်က ပြောသွားပါတယ်။
အင်္ဂလန်တိုက်စစ်မှူးဟာ ပြီးခဲ့တဲ့ ၁ နှစ်အတွင်းမှာ စွမ်းဆောင်ရည်ကျဆင်းလာခဲ့ပြီး အင်္ဂလန်လူစာရင်းမှာလည်း ရွေးချယ်ခံရခြင်း မရှိတော့သူပါ။
နည်းပြသစ် အာမိုရင်ကတော့ ရက်ရှ်ဖို့ဒ်ကို အကောင်းဆုံးခြေစွမ်းပြန်ရဖို့ ကူညီပေးသွားမှာ ဖြစ်ပြီး ကစားသမားဖြစ်သူ ကိုယ်တိုင်ကလည်း တိုးတက်လိုစိတ်ရှိဖို့ အရေးကြီးကြောင်း ပြောပါတယ်။
နည်းပြအာမိုရင်ဟာ အစ်ဆွစ်နဲ့ပွဲမှာ ရက်ရှ်ဖို့ဒ်ကို နံပါတ် ၉ တိုက်စစ်မှူးနေရာမှာ ထားကစားစေခဲ့ပြီး အဲဒီနေရာဟာ ရက်ရှ်ဖို့ဒ်ရဲ့ အကောင်းဆုံးနေရာ မဟုတ်သေးတာကြောင့် အဖြေတခု ရှာဖွေသွားရဦးမှာ ဖြစ်တယ်လို့လည်း ပြောပါတယ်။
ပရီးမီးယားလိဂ် ၁၂ ပွဲမှာ ၁၃ ဂိုးပဲရရှိထားတဲ့ တိုက်စစ်ပိုင်းနဲ့ ပတ်သက်လို့ စိုးရိမ်စရာကောင်းတာ မှန်ပေမဲ့ အကောင်းဆုံး ဖြေရှင်းသွားမှာဖြစ်ကြောင်း နည်းပြအာမိုရင်က ပြောသွားပါတယ်။
Photo: Reuters
