နည်းပြတန်ဟတ် ထုတ်ပယ်ခံရသည့်အပေါ် အလွန်ဝမ်းနည်းမိဟု ဂွါဒီယိုလာ ပြော
DVB
·
October 30, 2024
မန်ယူအသင်းက နည်းပြတန်ဟတ်ဂ်ကို ထုတ်ပယ်ခဲ့တဲ့အပေါ် အလွန်ဝမ်းနည်းမိကြောင်း မန်စီးတီး နည်းပြ ဂွါဒီယိုလာက ပြောသွားပါတယ်။
ဟော်လန်နည်းပြဟာ မန်ယူအသင်းကို ပရီးမီးယားလိဂ် အဆင့် ၁၄ အထိ ရောက်ရှိစေခဲ့တာကြောင့် ထုတ်ပယ်ခံခဲ့ရတာပါ။
နည်းပြတွေထုတ်ပယ်ခံရတိုင်း စိတ်မကောင်းဖြစ်မိသလိုပဲ နည်ပြတန်ဟတ်ဂ် ထုတ်ပယ်ခံရတဲ့ အပေါ်မှာလည်း အလွန်ဝမ်းနည်းမိကြောင်း၊ သူဟာ မန်ယူအသင်းရဲ့ အပြုအမူပိုင်းဆိုင်ရာအရ အမြင့်မားဆုံးစွမ်းဆောင်ရည် ထုတ်ပြနိုင်ခဲ့သူဖြစ်ကြောင်း ဂွါဒီယိုလာက ချီးကျူးပါတယ်။ နည်းပြတန်ဟတ်ဂ်နဲ့ ကောင်းမွန်တဲ့ဆက်ဆံရေးရှိပြီး သူဟာ တချိန်မှာ အခုထက်ပိုပြီးသန်မာတဲ့ သူဖြစ်လာလိမ့်မယ်လို့ နည်းပြ ဂွါဒီယိုလာက မှတ်ချက်ပေးပြောသွားပါတယ်။
Photo:Reuters
