လီဗာပူးအသင်းကို ရှုံးနိမ့်ခဲ့ပေမဲ့ အသင်းရဲ့ခြေစွမ်းအပေါ် ကျေနပ်ကြောင်း ချဲလ်ဆီးနည်းပြ မာရက်စ်ကာက ပြောသွားပါတယ်။

ရှုံးနိမ့်တာနဲ့ သရေရလဒ်သာရတဲ့ ပွဲစဉ်တိုင်းအပေါ် ကျေနပ်မှုမရှိပေမဲ့လည်း လီဗာပူးနဲ့ ပွဲစဉ်က အသင်းရဲ့ခြေစွမ်းအပေါ် အားရကျေနပ်မှုရှိတယ်လို့ နည်းပြ မာရက်စ်ကာက ပြောပါတယ်။

ဘောလုံးပိုင်ဆိုင်မှုအပြင် ဂိုးသွင်းခွင့်တွေလည်း ပိုရခဲ့တာကြောင့် ပိုပြီးထိုက်တန်တဲ့ ရလဒ်ရရှိသင့်ကြောင်း၊ ကစားသမားတွေရဲ့ စွမ်းဆောင်ရည်အပေါ် အလွန်ပျော်ရွှင်ရကြောင်း နည်းပြ မာရက်စ်ကာက ပြောပါတယ်။

ဒိုင်လူကြီးရဲ့ ဆုံးဖြတ်ချက်တွေဟာ အမှန်၊ အမှား ဒွန်တွဲနေတတ်ပြီး လီဗာပူးနဲ့ပွဲစဉ်မှာတော့ အငြင်းပွားဖွယ်ရာ ဆုံးဖြတ်ချက်မရှိခဲ့ဘဲ အဆင်ပြေခဲ့ကြောင်း နည်းပြမာရက်စ်ကာက ပြောသွားပါတယ်။