ဒီဘရိုင်း နေရာအတွက် ဖလော်ရီယန်ဝါ့ဇ်နှင့် အစားထိုးရန် မန်စီးတီး စီစဉ်
DVB
·
October 20, 2024
မန်စီးတီးအသင်းဟာ ကွင်းလယ်လူဒီဘရိုင်းနေရာအတွက် လီဗာကူဆင်က ဂျာမန်လက်ရွေးစင် ဖလော်ရီယန်ဝါ့ဇ်နဲ့ အစားထိုးဖို့ စီစဉ်နေပါတယ်။
ဘယ်လ်ဂျီယံကွင်းလယ်ကစားသမားဟာ အခုနှစ် ဘောလုံးရာသီအပြီးမှာ စာချုပ်သက်တမ်း ကုန်ဆုံးမှာဖြစ်ပြီး စာချုပ်သက်တမ်းတိုးဖို့ ကြန့်ကြာနေတာကြောင့် အသင်းကနေ ထွက်ခွာဖို့ရှိနေတာပါ။
ဒီဘရိုင်းကို ခေါ်ယူဖို့ ဆော်ဒီကလပ်တွေက စိတ်ဝင်စားနေပြီး အယ်လ်နာဆာ တိုက်စစ်မှူး စီရော်နယ်ဒိုကိုယ်တိုင်ကလည်း ဒီဘရိုင်းရဲ့ စွမ်းဆောင်ရည်အပေါ် ချီးကျုးမှုတွေ ရှိခဲ့တာပါ။
စကိုင်းဂျာမနီ သတင်းမှာဖော်ပြချက်အရ စီးတီးဟာ ဒီဘရိုင်း နေရာအတွက် လီဗာကူဆင်က ဖလော်ရီယန့်ဝါ့ဇ်ကို ခေါ်ယူဖို့အတွက် အရာအားလုံး လုပ်ဆောင်သွားမယ်လို့ သိရပါတယ်။
