ကစားသမားဘဝ၏ အခက်ခဲဆုံးအချိန်ဖြစ်ဟု မန်ယူကွင်းလယ်လူ ဖာနန်ဒက်စ်ပြော
DVB
·
October 5, 2024
ကစားသမားဘဝရဲ့အခက်ခဲဆုံးအချိန်ကို ရင်ဆိုင်နေရကြောင်း မန်ယူကွင်းလယ်ကစားသမား ဘရူနိုဖာနန်ဒက်စ်က ပြောသွားပါတယ်။
ပေါ်တူဂီကွင်းလယ်ကစားသမားဟာ ပရီးမီးယားလိဂ်နဲ့ ယူရိုပါလိဂ်ပွဲစဉ် ၂ ပွဲဆက်တိုက် အနီကတ် ပြသခံရပြီးထုတ်ပယ်ခံခဲ့ရတာပါ။
အသင်းအနေနဲ့သာမက ကစားသမား ဘဝမှာပါ အခက်ခဲဆုံးအချိန်ရင်ဆိုင်နေရပြီး အသင်းနဲ့ ၅ နှစ်တာကာလအတွင်းမှာ အကောင်းအဆိုး၊ အတက်၊ အကျတွေ များလွန်းခဲ့ကြောင်း ဖာနန်ဒက်စ်က ပြောပါတယ်။
မန်ယူနိုက်တက်ပရိသတ်တွေအတွက်လည်း အမောပန်းဆုံးအချိန်တခုဖြစ်ပေမဲ့ မိမိအပေါ် ဆက်လက်ဝန်းရံအားပေးခဲ့ကြတဲ့အပေါ် ကျေးဇူးတင်ရှိကြောင်း ဖာနန်ဒက်စ်က ပြောပါတယ်။
ဖာနန်ဒက်စ်ဟာ ပရီးမီးယားလိဂ်မှာ ပြသခံခဲ့ရတဲ့ အနီကတ်ပြစ်ဒဏ်က ပြန်လည် ပယ်ဖျက် ပေးခဲ့တာကြောင့် တနင်္ဂနွေနေ့မှာကစားမယ့် အက်စ်တန်ဗီလာနဲ့ ပွဲစဉ်မှာ ပြန်လည် ပါဝင်ကစားနိုင်မှာ ဖြစ်ပါတယ်။
Photo-Reuters
