တိုက်စစ်မှူး ရက်ရှ်ဖို့ဒ်အပေါ် ဝေဖန်မှုတွေဟာ အဆိုးမြင်မှုများလွန်းကြောင်း မန်ချက်စတာယူနိုက်တက် နည်းပြ တန်ဟတ်ဂ်က ပြောပါတယ်။
မနေ့ညက ဆောက်သမ်တန်အသင်းကို ၃ ဂိုး ဂိုးမရှိနဲ့ အနိုင်ရခဲ့တဲ့ပွဲစဉ်မှာ ရက်ရှ်ဖို့ဒ်က အနိုင်ဂိုး တဂိုး သွင်းယူနိုင်ခဲ့ပြီးနောက်မှာ ဝေဖန်သူတွေကို နည်းပြတန်ဟတ်ဂ်က ပြန်လည်တုံ့ပြန်ခဲ့တာပါ။
ဝေဖန်သူတွေဘက်က ဘယ်လိုပဲ ပြောနေပါစေ၊ အာရုံစိုက်မနေဖို့က အရေးပါကြောင်း၊ ရက်ရှ်ဖို့ဒ် အပေါ် ဝေဖန်မှုတွေက အဆိုးမြင်မှုများလွန်းကြောင်း နည်းပြတန်ဟတ်ဂ်က ပြောပါတယ်။
အများဝေဖန်နေကြတဲ့ လီဗာပူးကို ရှုံးနိမ့်တဲ့ပွဲမှာ ရက်ရှ်ဖို့ဒ်က အပိုင်အခွင့်အရေး ၂ ကြိမ် ဖန်တီးပေးခဲ့ပြီး တခြားပွဲစဉ်တွေမှာလည်း ခြေစွမ်းပြသနိုင်ခဲ့သူ ဖြစ်တယ်လို့ နည်းပြတန်ဟတ်ဂ်က ပြောပါတယ်။
ရက်ရှ်ဖို့ဒ်ဟာ မန်ယူအသင်းအတွက် ဂိုးပေါင်းမြောက်မြားစွာ သွင်းယူပေးခဲ့သူဖြစ်ပြီး လာမယ့် ပွဲစဉ်တွေမှာ ဂိုးတွေ ပိုမိုသွင်းယူနိုင်မယ်လို့ ယုံကြည်ကြောင်း နည်းပြ တန်ဟတ်ဂ်က ချီးကျုးသွားခဲ့ပါတယ်။
Photo-Reuters
