မြောက်ကိုရီးယားခေါင်းဆောင် ကင်မ်ဂျုံအန်းဟာ အဆင့်မြှင့်တင်ထားတဲ့ ၂၄၀ မမ ဒုံးပစ်လောင်ချာစနစ် စမ်းသပ်ပစ်ခတ်မှုကို တက်ရောက်ကြည့်ရှုခဲ့ကြောင်း နိုင်ငံပိုင်မီဒီယာ KCNA က သြဂုတ် ၂၈ ရက်မှာ ကြေညာပါတယ်။

ဒီစနစ်ဟာ စစ်ဆေးစမ်းသပ်မှုအတွင်း ရွေ့လျားမှုနဲ့ ပစ်ခတ်မှု စူးစိုက်ခြင်းမှာ သာလွန်အဆင့်ဖြစ်မှုကို သက်သေပြခဲ့တယ်လို့ KCNA နိုင်ငံပိုင်သတင်းဌာနက ဖတ်ကြားသွားပါတယ်။

အခုသီတင်းပတ်အစောပိုင်းမှာ ကင်မ်ဂျုံအန်းဟာ "အသေခံဒရုန်း" အသစ်တွေ စမ်းသပ်မှုတွေကို ကြီးကြပ်ခဲ့ပြီး မောင်းသူမဲ့ယာဉ်တွေအတွက် ဉာဏ်ရည်တုကို တီထွင်ဖို့လည်း သုတေသီတွေကို တိုက်တွန်းခဲ့ပါတယ်။

မြောက်ကိုရီးယားဟာ ယူကရိန်းစစ်ပွဲမှာ အသုံးပြုဖို့ မော်စကိုအတွက် အမြောက်ကျည်တွေ၊ ဒုံးကျည်တွေနဲ့ တခြားကိရိယာတွေကို ရုရှားကို ထောက်ပံ့ပေးနေတယ်လို့ အမေရိကန်နဲ့ တောင်ကိုရီးယား တာဝန်ရှိသူတွေက စွပ်စွဲထားပါတယ်။ 

Source-Reuters