မန်စီးတီးအသင်းဟာ ထွက်ခွါသွားတဲ့ တိုက်စစ်မှူးအယ်လ်ဗာရက်နေရာအတွက် လူသိပ်မသိသေး တဲ့ရွက်ပုန်းသီးလူငယ်ကစားသမားတယောက်နဲ့ အစားထိုးဖို့ စီစဉ်နေပါတယ်။

မန်စီးတီးအသင်းဟာ အဓိက တိုက်စစ်မှူးဟာလန်းမကစားနိုင်ချိန်မှာ အသုံးပြုနိုင်ဖို့အတွက် တိုက်စစ်မှူးတဦး ပြန်လည်ခေါ်ယူဖို့ ပစ်မှတ်ထားလုပ်ဆောင်နေတာပါ။

The Athletic သတင်းမှာဖော်ပြချက်အရ မန်စီးတီးအသင်းဟာ ဒိန်းမတ်ကလပ် ကိုပေဟေဂင်အသင်းက အသက် ၂၀ နှစ်ရှိ စကော့တလန်တိုက်စစ်မှူး  အိုရီအော့စ်ကာဆင်ကို မျက်စိကျနေတယ်လို့သိရပါတယ်။ 

အရပ် ၆ ပေ ၁ လက်မရှိတဲ့ အော့်စ်ကာဆင်ဟာ အခုနှစ်ရာသီမှာ ကိုပေဟေဂင်အတွက် ၆ ပွဲကစားအပြီးမှာ ၅ ဂိုးသွင်းယူထားတာပါ။

သူဟာ မနှစ်က ရာသီမှာလည်း စုစုပေါင်း ၁၅ ဂိုးသွင်းပြီးခြေစွမ်းပြသနိုင်ခဲ့ပါတယ်။

Photo-Reuters