မနှစ်ကရာသီထက် ဟာလန်း ပိုကောင်းလာမည်ဟု နည်းပြဂွါဒီယိုလာ သုံးသပ်
DVB
·
August 25, 2024
မန်စီးတီးတိုက်စစ်မှူး ဟာလန်းဟာ မနှစ်ကရာသီထက် ပိုကောင်းလာလိမ့်မယ်လို့ နည်းပြ ပတ်ဂွါဒီယိုလာက ချီးကျူးသွားပါတယ်။
ဟာလန်းဟာ မနေ့ညက ကစားသွားတဲ့ ပရီးမီးယားလိဂ် ဒုတိယပွဲစဉ်မှာ ဟတ်ထရစ် သုံးဂိုး သွင်းယူနိုင်ခဲ့ပြီး မနှစ်ကထက် ပိုကောင်းလာလိမ့်မယ်လို့ နည်းပြဂွါဒီယိုလာက ချီးကျူးခဲ့တာပါ။
ဟာလန်းဟာ ရာသီကြိုပြင်ဆင်မှုတွေ လုပ်ဆောင်ချိန်ကတည်းက အားလပ်ရက် သိပ်မယူဘဲ ပြင်းပြင်းထန်ထန် ကြိုးစားခဲ့သူဖြစ်ကြောင်း၊ သူ့ရဲ့ သွင်းဂိုးတွေဟာ မက်ဆီနဲ့ စီရော်နယ်ဒို တို့ကို ယှဉ်ပြိုင်နိုင်ခဲ့ပြီး ဟာလန်းလို တိုက်စစ်မှူး အသင်းမှာရှိနေတဲ့အတွက် အလွန်ကျေနပ်မိကြောင်း နည်းပြဂွါဒီယိုလာက ပြောပါတယ်။
နော်ဝေတိုက်စစ်မှူးဟာ မနှစ်ကရာသီက ပြိုင်ပွဲစုံ ၃၈ ဂိုး သွင်းယူခဲ့သူဖြစ်ပြီး အခုနှစ် ပရီးမီးယားလိဂ် ၂ ပွဲအပြီးမှာပဲ ၄ ဂိုးသွင်းယူထားပြီး ဖြစ်ပါတယ်။
Photo-Reuters
