ကစားသမားသစ်ထပ်ခေါ်ယူရန် မစဉ်းစားသေးဟု လီဗာပူးနည်းပြပြော
DVB
·
July 26, 2024
အပြောင်းအရွှေ့ကာလမှာ ကစားသမားသစ်ခေါ်ယူခြင်းမရှိသေးတဲ့အပေါ် လီဗာပူးနည်းပြ အမ်းစလော့က ပြန်လည်တုံ့ပြန်သွားပါတယ်။
အခုနှစ်နွေရာသီအပြောင်းအရွှေ့မှာ ပြိုင်ဘက်အသင်းတွေဖြစ်တဲ့ ချဲလ်ဆီး၊ အာဆင်နယ်၊ မန်ယူ အသင်းတွေက ကစားသမားသစ်တချို့ခေါ်ယူနေချိန်မှာ လီဗာပူးအသင်းက ကစားသမားသစ် ခေါ်ယူနိုင်ခြင်းမရှိသေးတာပါ။
နည်းပြအမ်းစလော့ကတော့ လီဗာပူးအသင်းဟာ ကောင်းမွန်နေပြီးသားအသင်းဖြစ်သလို ကစားသမားတွေအားလုံး ပြန်လည်ပူးပေါင်းနိုင်ခြင်း မရှိသေးတာကြောင့် ကစားသမားသစ် ခေါ်ယူဖို့ မစဉ်းစားသေးတာဖြစ်တယ်လို့ ပြောပါတယ်။
ဒါ့အပြင် အသင်းအားကစားဒါရိုက်တန် ရစ်ချက်ဟာလည်း အပြောင်းအရွှေ့ဈေးကွက်မှာ ကစားသမားသစ်ခေါ်ယူဖို့ အပြင်းအထန် လုပ်ဆောင်နေကြောင်း နည်းပြအမ်းစလော့က ပြောသွားပါတယ်။
Photo- Reuters
