နိုင်ဂျီးရီးယားနိုင်ငံအလယ်ပိုင်း ပလာထိုပြည်နယ်မှာ ပြိုကျခဲ့တဲ့ စာသင်ကျောင်း အပျက်အစီးတွေကြားကနေ အလောင်း ၇ လောင်းထက်မနည်းကို ကယ်ဆယ်ရေးသမားတွေက ဇူလိုင် ၁၂ ရက်မှာ ဆွဲထုတ်နိုင်ခဲ့တယ်လို့ မျက်မြင်သက်သေက ရိုက်တာသတင်းဌာနကို ပြောပါတယ်။

နှစ်ထပ်အဆောက်အဦ ပြိုကျခဲ့ပြီး ကျောင်းသားနဲ့ ဆရာတွေ ထိခိုက်သေဆုံးမှာကို စိုးရိမ်နေကြပါတယ်။

ကျောင်းသား ၅ ဦးကို အသက်ရှင်လျက် ကယ်ဆယ်နိုင်ခဲ့တယ်လို့ ဒေသဆိုင်ရာ အာဏာပိုင်တွေက ပြောပါတယ်။

အခင်းဖြစ်ပွားရာနေရာမှာ လုံခြုံရေးတပ်ဖွဲ့ဝင်တွေနဲ့ ရဲတပ်ဖွဲ့ဝင်တွေ အပါအဝင် လုံခြုံရေးတပ်တွေက ကယ်ဆယ်ရေးလုပ်ငန်းတွေကို ဆက်လုပ်နေပါတယ်။

စည်းမျဥ်းစည်းကမ်းတွေ ပေါ့လျော့မှုနဲ့ စံချိန်မမီတဲ့ ဆောက်လုပ်ရေးလုပ်ငန်းသုံး ပစ္စည်းတွေကို သုံးတာကြောင့် အာဖရိကရဲ့ လူဦးရေအများဆုံးနိုင်ငံ နိုင်ဂျီးရီးယားမှာ အဆောက်အအုံ ပြိုကျမှုတွေ မကြာခဏ အဖြစ်များခဲ့ပါတယ်။

မကြာသေးမီနှစ်တွေအတွင်း အလားတူအဖြစ်ဆိုးတွေဖြစ်ခဲ့တဲ့ နိုင်ဂျီးရီးယားနိုင်ငံထဲက အဆောက်အအုံ လုံခြုံရေးစံနှုန်းတွေနဲ့ ပတ်သက်လို့ အလေးထားစရာကိစ္စတွေကို ဒီအဖြစ်အပျက်က မီးမောင်းထိုးပြခဲ့ပါတယ်။

ကျောင်းပြိုကျရတဲ့ အကြောင်းရင်းနဲ့ အခင်းဖြစ်ပွားချိန်မှာ အဆောက်အအုံအတွင်း ရှိနေသူ စုစုပေါင်း အရေအတွက်တို့နဲ့ ပတ်သက်ပြီး ဒေသဆိုင်ရာ တာဝန်ရှိသူတွေက မှတ်ချက်မပေးသေးပါဘူး။

Source-Reuters