ပြည်သူတွေအားလုံးရဲ့အမေ၊ ကျွန်တော်တို့အားလုံးရဲ့ အမေအတွက်ဆိုပြီး "သ​ပြေရင်ခွင်"လို့ အမည်ပေးထားတဲ့ ကဗျာလေးတပုဒ်ကို  ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က  ဖွဲ့ဆို သီကြူးထားတဲ့ ရုပ်သံ ဗီဒီယိုတခု   Artists' Shelter က  ဖြန့်ချိလိုက်ပါတယ်။

ဒီရုပ်သံ ဗီဒီယိုကို ဒီကနေ့ ဇွန် ၁၉ ရက်မှာ ကျရောက်တဲ့ နိုင်ငံတော်အတိုင်ပင်ခံပုဂ္ဂိုလ် လူထုခေါင်းဆောင် ဒေါ်အောင်ဆန်းစုကြည်ရဲ့  ၇၉ နှစ်မြောက် မွေးနေ့ မှာ ဖြန့်ချိလိုက်တာ ဖြစ်ပါတယ်။ 

အိမ်ပြန်လာပြီ အမေ

သပြေညိုရင်ခွင်

အမေအိုရင်ခွင်ဆီ...

ခွဲခွာနေရတဲ့ အမေတွေအတွက်

အိမ်ပြန်မရောက်တဲ့ သားတွေအတွက် 

Video Credit- Artists' Shelter

မုတ်သုံမိုးနဲ့အတူတူ ကမ္ဘာမြေပြင် အမေ့ရင်ခွင်ကို ပြန်ရောက်ကြဖို့… သားကိုမျှော်နေကြတဲ့ မိခင်တွေ အမေ့ကိုလွမ်းဆွတ်နေတဲ့ သားတွေ သမီးအတွက် ဆုတောင်းပေးနေတဲ့ အဖေတွေ အဖေ့ကိုတမ်းတနေတဲ့ သမီးတွေ ဇနီးခင်ပွန်း၊ ညီအစ်ကိုမောင်နှမ၊ ချစ်သူခင်သူ၊ မိတ်ဆွေသူငယ်ချင်း၊ အိမ်နဲ့ဝေးနေကြရတဲ့ လူသားတိုင်းအတွက် ဖြစ်တယ်လို့ ဆိုပါတယ်။  

ဒီရုပ်သံဗီဒီယိုကို  ဒါရိုက်တာ ဏကြီးက ရိုက်ကူးထားတာဖြစ်ပြီး Script  -L Min Pyae Mon   ၊  Illustration -ARTSTRIKE  ၊ တေးဂီတ ဒန်နီရယ်စောတို့က ပူးပေါင်း ဖန်တီးထားတာလည်း ဖြစ်ပါတယ်။