ဆော်ဒီကလပ်အယ်လ်နာဆာအသင်းဟာ လီဗာပူးနောက်ခံလူ ဗန်ဒိုက်ကို ကမ္ဘာ့လုပ်ခ အများဆုံးနောက်ခံလူဖြစ်စေမယ့်စာချုပ်နဲ့ ခေါ်ယူဖို့ ကမ်းလှမ်းထားတယ်လို့သိရပါတယ်။
ဟော်လန်နောက်ခံလူဟာ လီဗာပူးအသင်းနဲ့ စာချုပ်သက်တမ်းတနှစ်သာကျန်ရှိတော့တာပါ။ လာမယ့် လပိုင်းအတွင်းမှာ အသက် ၃၃ နှစ် ပြည့်တော့မယ့် ဗန်ဒိုက်ဟာ လီဗာပူးမှာ တပတ်လုပ်ခ ပေါင် ၂၂၀၀၀၀ ပဲရရှိနေတာပါ။
ဆော်ဒီကလပ် အယ်လ်နာဆာအသင်းဟာ ဗန်ဒိုက်ရဲ့ ကိုယ်စားလှယ်တွေနဲ့ ဆွေ့ဆုံဆွေးနွေးခဲ့ပြီး ကမ္ဘာ့လုပ်ခအများဆုံးနောက်ခံလူ ဖြစ်စေမယ့် လုပ်ခလစာနဲ့ ကမ်းလှမ်းခဲ့တယ်လို့ စပိန်သတင်းစာ မာကာက ဖော်ပြပါတယ်။
စီရော်နယ်ဒို ကစားနေတဲ့ အယ်လ်နာဆာအသင်းဟာ ပြီးခဲ့တဲ့ရာသီက ဆော်ဒီပရိုလိဂ်မှာ အဆင့် ၂ နဲ့ ကျေနပ်ခဲ့ရတာကြောင့် လာမယ့်ရာသီမှာ ချန်ပီယံဆုဖလားတွေရယူဖို့ ရည်မှန်းထားတာပါ။ ဗန်ဒိုက်နဲ့အတူ အသင်းမှာရှိပြီးသားနောက်ခံလူ လာပေါ့သ်နဲ့ တွဲဖက်ကစားစေ မယ်ဆိုရင် အကောင်းဆုံး ခံစစ်အတွဲဖြစ်လာမယ်လို့ ယုံကြည်နေပါတယ်။
Photo-Reuters
