ချဲလ်ဆီးအသင်းဟာ လက်စတာနည်းပြ မာရက်စ်ကာကို ခေါ်ယူခန့်အပ်ဖို့ ဆွေးနွေးညှိနှိုင်းနေပါတယ်။
ပရီးမီးယားလိဂ်နောက်ဆုံး ၅ ပွဲ ဆက်တိုက်အနိုင်ရရှိအောင် စွမ်းဆောင်ခဲ့တဲ့ နည်းပြ ပိုချက်တီနိုကို ထုတ်ပယ်လိုက်ပြီးနောက် နည်းပြသစ်တဦး အမြန်ဆုံးခန့်အပ်ဖို့ ချဲလ်ဆီးအသင်းက ကြိုးပမ်းနေတာပါ။
အသက် ၄၄ နှစ်ရှိ အီတလီနည်းပြ အန်ဇိုမာရက်စ်ကာဟာ လက်စတာအသင်းနဲ့ ပထမဆုံး ဘောလုံးရာသီမှာပဲ ချန်ပီယံရှစ်မှာ ချန်ပီယံဖြစ်ခဲ့ပြီး ပရီးမီးယားလိဂ်ဆီတန်းတက်ခွင့်ရရှိ လာခဲ့တာပါ။
လက်စတာအသင်းဘက်က နည်းပြမာရက်စ်ကာအတွက် ချဲလ်ဆီးဆီကနေ လျော်ကြေး အဖြစ်ပေါင် ၈ သန်းကနေ ၁၀ သန်းအထိ အလိုရှိနေပါတယ်။
မာရက်စ်ကာဟာ ဆီဗီလာလက်ထောက်နည်းပြအဖြစ် စတင်တာဝန်ယူခဲ့ပြီးနောက် မန်စီးတီးယူ-၂၃ နဲ့ အကယ်ဒမီအသင်းတွေကို ကိုင်တွယ်ခဲ့ ပါတယ်။
အဲဒီနောက် ပါးမားအသင်းမှာ ၆ လသာ တာဝန်ယူခဲ့ပြီး လက်စတာအသင်းဆီပြောင်းရွှေ့ခဲ့ တာ ဖြစ်ပါတယ်။
Photo - Reuters
