မန်စီးတီး ဂိုးသမား အီဒါဆန်ကို ခေါ်ယူရန် အယ်လ်အစ်တီဟတ်အသင်း ကြိုးပမ်း
DVB
·
May 28, 2024
ဆော်ဒီကလပ် အယ်လ်အစ်တီဟတ်အသင်းဟာ မန်စီးတီးဂိုးသမား အီဒါဆန်ကို ပေါင် ၂၅ သန်းနဲ့ ခေါ်ယူဖို့ ကြိုးပမ်းနေပါတယ်။
အသက် ၃၀ နှစ်ရှိ ဘရာဇီးလက်ရွေးစင် ဂိုးသမားဟာ စိန်ခေါ်မှုအသစ်တွေကို ရင်ဆိုင်ဖို့အတွက် အသင်းပြောင်းရွှေ့ဖို့ လက်ခံစဉ်းစားနိုင်ပြီး မန်စီးတီးဘက်ကလည်း ရောင်းချဖွယ်ရှိပါတယ်။
အီဒါဆန်ဟာ စပါးအသင်းနဲ့ ချန်ပီယံအဆုံးအဖြတ်ပွဲစဉ်မှာ သူ့ကို လူစားလဲခဲ့တာနဲ့ ပတ်သက်လို့ နည်းပြ ဂွါဒီယိုလာနဲ့ စကားအချေအတင်ဖြစ်ခဲ့ပြီး အရန်ခုံတန်းမှာ ပေါက်ကွဲခဲ့ပါတယ်။
အီဒါဆန်ဟာ ၂၀၁၇ ခုနှစ်ကတည်းက မန်စီးတီးဆီ ပြောင်းရွှေ့ခဲ့ပြီး စုစုပေါင်း ၃၃၂ ပွဲအထိ ကစားပေးထားပါတယ်။
အာဂျင်တီးနားနည်းပြ မာဆယ်လိုဂါယ်လာဒို ကိုင်တွယ်နေတဲ့ အယ်လ်အစ်တီဟတ် အသင်းမှာ ဘရာဇီးသား ဖာဘင်ညို အပါအဝင် ကန်တေနဲ့ ဘင်ဇီမာ တို့လည်း ပါဝင်ကစားနေပါတယ်။
Photo-Reuters
