အာဆင်နယ်အသင်း ပရိသတ်တွေအနေနဲ့ ဒုတိယနေရာနဲ့ မကျေနပ်သင့်ကြောင်း နည်းပြအာတေ တာက ပြောသွားပါတယ်။

အဲဗာတန်အသင်းနဲ့ နောက်ဆုံးပွဲစဉ်အပြီးမှာ ပရိသတ်တွေကို နှုတ်ဆက် စကားပြောကြားရာမှာ နည်းပြအာတေတာက ထည့်သွင်းပြောသွားခဲ့တာပါ။

အာဆင်နယ်အသင်းဟာ မနေ့ညကပွဲစဉ်မှာ အဲဗာတန်အသင်းကို ၂ ဂိုး ၁ ဂိုးနဲ့ အနိုင်ရခဲ့ပေမဲ့ မန်စီးတီးအသင်းကို  ၂ မှတ်လျော့နဲ့  ဒုတိယနေရာမှာပဲ ရပ်တည်နိုင်ခဲ့တာပါ။  

အာဆင်နယ်အသင်း လက်ရှိအခြေအနေထိရောက်ရှိလာတာဟာ ပရိသတ်တွေရဲ့ ယုံကြည်ပေးမှုနဲ့ စိတ်ရှည်သီးခံမှုတွေကြောင့်ဖြစ်ပြီး ဒုတိယနေရာနဲ့ မကျေနပ်သင့်ကြောင်း၊ အခုထက်ပိုတဲ့ နေရာရောက်ဖို့ ဆက်လက်ကြိုးပမ်းသွားမှာဖြစ်ကြောင်း နည်းပြအာတေတာက ပြောပါတယ်။

အသင်းခေါင်းဆောင် အိုဒီဂတ်ကတော့ ချန်ပီယံမဖြစ်ခဲ့တဲ့အတွက် စိတ်ပျက်မိပေမဲ့ တိုးတက်လာတဲ့စွမ်းဆောင်ရည်နဲ့ ပတ်သက်လို့ အသင်းသားတွေအတွက် ဂုဏ်ယူကြောင်း ပြောသွားပါတယ်။ 

Photo - Reuters/Paul Childs