စစ်ကောင်စီတပ်ဖွဲ့၀င် တပ်သားအဆင့်ရှိသူ ၃ ဦးဟာ လက်နက်ခဲယမ်းတွေနဲ့အတူ CDF-Hakha ဆီကို ဧပြီ ၁၇ ရက်က အလင်း၀င်ရောက်လာတယ်လို့ CDF-Hakha ဆီကနေ သိရပါတယ်။

CDF-Hakha ရဲ့ တာ၀န်ရှိသူတဦးက “ချင်းပြည်နယ်၊ ဟားခါးမြို့ ရုန်းတောင်စစ်ကောင်စီဗျူဟာကုန်းက တပ်သားအဆင့်ရှိသူ ၃ ဦးဟာ MA-1 သေနတ် ၂ လက်၊ MA-2 သေနတ် ၁ လက်၊ လက်ပစ်ဗုံး ၁၈ လုံးနဲ့ ကျည်အတောင့် ၁၀၀၀ တို့နဲ့ ဧပြီလ ၁၇ ရက်နေ့က ကျွန်တော်တို့ CDF-Hakha ဆီကို အလင်း၀င်ရောက်လာကြတာပါ” လို့ DVB ကို အတည်ပြုပြောပါတယ်။

လက်နက်ခဲယမ်းတွေနဲ့အတူ အလင်း၀င်ရောက်လာသူ ၃ ဦးကို လုံခြုံတဲ့နေရာတခုကို ပို့ဆောင်းပေးထားပြီး ဆုငွေ သိန်း ၁၅၀ ချီးမြှင့်လိုက်တယ်လို့ CDF-Hakha ဆီကနေ သိရပါတယ်။