ချန်ပီယံဆုအတွက် ဆက်လက်တိုက်ပွဲဝင်မည်ဟု လီဗာပူးနောက်ခံလူ ရော်ဘတ်ဆန် ပြော
DVB
·
April 15, 2024
လီဗာပူးအသင်းအနေနဲ့ ပရီးမီးယားလိဂ် ချန်ပီယံဆုအတွက် ဆက်လက်တိုက်ပွဲဝင်သွားမယ်လို့ နောက်ခံလူ ရော်ဘတ်ဆန်က ပြောသွားပါတယ်။
လီဗာပူးအသင်းဟာ မနေ့ညက ကစားခဲ့တဲ့ ခရစ္စတယ်ပဲလေ့နဲ့ ပွဲစဉ်မှာ တဂိုး ဂိုးမရှိနဲ့ ရှုံးနိမ့်ခဲ့ပြီး အဆင့် ၃ နေရာ ရောက်ရှိသွားတာပါ။
လက်ကျန် ၆ ပွဲအလိုမှာ ဒုတိယနေရာက အာဆင်နယ်နဲ့ ရမှတ်တူ၊ အဆင့်တစ်က မန်စီးတီးနဲ့ ၂ မှတ်ကွာဟနေပေမဲ့ ချန်ပီယံပြေးလမ်းပေါ်မှာ ဆက်ရှိနေဆဲဖြစ်ပြီး ဆက်လက်တိုက်ပွဲဝင်သွားမယ်လို့ ရော်ဘတ်ဆန်က ပြောပါတယ်။
ပြိုင်ဘက်နှစ်သင်းက ကမ္ဘာ့အဆင့်အသင်းတွေ ဖြစ်နေတာကတော့ ခက်ခဲတဲ့အခြေအနေ ဖြစ်ကြောင်း ရော်ဘတ်ဆန်က ပြောပါတယ်။
လီဗာပူးအသင်းဟာ ယူရိုပါလိဂ်ပြိုင်ပွဲမှာလည်း အတ္တလန္တာအသင်းကို အိမ်ကွင်းမှာ ၃ ဂိုး ဂိုးမရှိရလဒ်နဲ့ ရှုံးနိမ့်ခဲ့ပြီး ဆီမီးဖိုင်နယ်တက်ရောက်ဖို့ အခွင့်အရေးနည်းသွားပြီ ဖြစ်ပါတယ်။
Photo-Reuters
