Home
မြန်မာသတင်း
သံဃာ‌များ တင်လာသည့်ကားက YBS ကို ဖြတ်တိုက်ပြီး သံဃာအပါအဝင် ၇ ဦး ဒဏ်ရာရ
DVB
·
March 31, 2024
CarCrash_31032024

ရန်ကုန်၊ သာကေတမြို့နယ်မှာ မတ် ၃၀ ရက် မနေ့က YBS ကားကို သံဃာတွေ တင်ဆောင်လာတဲ့ကားက ဝင်တိုက်ခဲ့တာကြောင့် သံဃာ ၄ ပါးနဲ့ လူ ၃ ယောက် ဒဏ်ရာရရှိခဲ့တယ်လို့ အကြင်နာတွဲလက် လူမှုကူညီရေးအသင်းဆီက သိရပါတယ်။

မနေ့ည ၉ နာရီကျော်က သာကေတမြို့နယ်၊ တိုင်းရင်းသားကျေးရွာနားမှာ သန်လျင်သဘာဝရိပ်သာက Canter ကားဟာ ဧရာဝဏ်လမ်းက ထွက်လာတဲ့ YBS ၁၃၃ ယာဉ်ကို ဝင်တိုက်ခဲ့ပါတယ်။

ယာဉ်တိုက်မှုကြောင့် YBS ၁၃၃ ယာဉ်ပေါ်က ယာဉ်မောင်း နဲ့ Canter ကားပေါ်က သံဃာ ၄ ပါး၊ လူ ၂ ယောက် တို့ ထိခိုက်ဒဏ်ရာရရှိခဲ့ပါတယ်။

အကြင်နာတွဲလက် လူမှုကူညီရေးအသင်း တာဝန်ရှိသူတယောက်က “တိုင်းရင်းသားကျေးရွာ အကျော်မှာ YBS ကို သန်လျင် သဘာဝတရားရိပ်သာက ကားက ဝင်တိုက်လိုက်တာ။ YBS ပေါ်မှာ ခရီးသည်တွေပါပေမယ့် ယာဉ်မောင်း ၁ ဦးပဲ ဒဏ်ရာရတယ်။ သူက ဆေးရုံမသွားဘဲ အဲမှာပဲ ဆေးကုသမှုခံလိုက်တယ်။ သဘာဝရိပ်သာကားပေါ်က ယာဉ်မောင်းညပ်နေလို့ ကားဖျက်လိုက်ရတယ်။ နောက်ထပ်လူ ၁ ဦးနဲ့ ဘုန်းကြီး ၄ ပါးဒဏ်ရာရတယ်။ ဘုန်းကြီး ၁ ပါးက နံရိုးကျိုးပြီး စိုးရိမ်ရတဲ့ အခြေအနေရှိတယ်” လို့ ပြောပါတယ်။

ယာဉ်တိုက်မှုကြောင့် ဒဏ်ရာရရှိခဲ့တဲ့ သန်လျင် သဘာဝရိပ်သားကားပေါ်က သံဃာ ၄ ပါးနဲ့ လူ ၂ ဦးကို သာကေတမြို့နယ်က လူမှုကူညီရေးအသင်းတွေက ရန်ကုန်ပြည်သူ့ဆေးရုံကြီးဆီကို ပို့ဆောင်ခဲ့ပါတယ်။

Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024