လီဗာပူးကို အနိုင်ရသည့်ပွဲက အလှည့်အပြောင်းတခုဖြစ်ရန် မန်ယူနည်းပြ မျှော်လင့်
DVB
·
March 18, 2024
လီဗာပူးအသင်းကို အနိုင်ရရှိခဲ့တာက အသင်းအတွက် ကောင်းမွန်တဲ့ အလှည့်အပြောင်းတခု ဖြစ်လာဖို့ မန်ယူနိုက်တက်နည်းပြ တန်ဟတ်ဂ်က မျှော်လင့်နေပါတယ်။
မန်ယူအသင်းဟာ အက်ဖ်အေဖလား ကွာတားဖိုင်နယ်မှာ လီဗာပူးကို ၄ ဂိုး ၃ ဂိုးနဲ့ အနိုင်ရခဲ့ပြီး ဆီမီးဖိုင်နယ်အဆင့်ကို တက်လှမ်းနိုင်ခဲ့တာပါ။
လီဗာပူးကို အနိုင်ယူလိုက်တာက ကြီးမားတဲ့ အရှိန်အဟုန်ကောင်းတခု ရရှိစေပြီး အဲဒီအရှိန်အဟုန်က အသင်းအတွက် အလှည့်အပြောင်းတခု ဖြစ်လာဖို့ မျှော်လင့်ကြောင်း နည်းပြတန်ဟတ်ဂ်က ပြောပါတယ်။
အဲဒီလို အရှိန်အဟုန်ကောင်းတခုရရှိဖို့က အရေးပါပြီး အံ့အားသင့်စရာအရာတွေကို လုပ်ဆောင်နိုင်ကြောင်း နည်းပြတန်ဟတ်ဂ်က ပြောပါတယ်။
မန်ယူအသင်းဟာ ပရီးမီးယားလိဂ်မှာ အဆင့်လေးအတွင်း ဝင်ရောက်နိုင်ဖို့ ကြိုးပမ်းရမှာဖြစ်ပြီး အက်ဖ်အေဖလား ချန်ပီယံမျှော်လင့်ချက်လည်း ရှိနေပါတယ်။
Photo-Reuters
