မန်ယူတိုက်စစ်မှူးဟောင်း ဝိန်းရွန်းနီရဲ့ အကြီးဆုံးသားဖြစ်သူ ခိုင်ရွန်းနီဟာ မန်ယူ ယူ-၁၄ လူငယ် အသင်းက အဲဗာတန်ကို အနိုင်ရတဲ့ပွဲမှာ ဟတ်ထရစ် သုံးဂိုး သွင်းယူနိုင်ခဲ့ပါတယ်။
မန်ယူ ယူ-၁၄ အသင်းက အဲဗာတန် ယူ-၁၄ အသင်းကို ၆ ဂိုး ၄ ဂိုး နဲ့ အနိုင်ရခဲ့ပြီး ခိုင်ရွန်းနီက ၂ ဂိုးသွင်း၊ ဂိုးဖန်တီးမှု ၂ ကြိမ်ပြုလုပ်နိုင်ခဲ့တာပါ။
ခိုင်အနေနဲ့ ဖခင်ဖြစ်သူ ဝိန်းရွန်းနီရဲ့ ခြေရာကို လိုက်နင်းနိုင်မယ့်သူအဖြစ် မန်ယူအသင်း ပရိသတ်တွေက တင်စား ချီးကျူးခဲ့ကြပါတယ်။
ခိုင်ရွန်းနီဟာ ပြီးခဲ့တဲ့ ဇန်နဝါရီလတုန်းက ကစားခဲ့တဲ့ လိဂ်ယူနိုက်တက်လူငယ်အသင်းနဲ့ပွဲမှာလည်း ၂ ဂိုးသွင်းပြီး ၂ ကြိမ် ဂိုးဖန်တီးခဲ့ပါသေးတယ်။
တောင်ပံတိုက်စစ်မှာ ကစားနိုင်ပေမဲ့ ဂိုးတွေသွင်းယူနိုင်တဲ့ တိုက်စစ်မှူးနေရာမှာ ပိုပြီး ကစားချင်ကြောင်း၊ ဖခင်ဖြစ်သူ ဝိန်းရွန်းနီရဲ့ အကြံပေးချက်အရဖြစ်ပြီး ပရော်ဖက်ရှင်နယ် ဘောလုံးသမား ဖြစ်လာဖို့ စိတ်ပိုင်းဆိုင်ရာကိုလည်း ဖခင်ဖြစ်သူက သင်ကြားပေးကြောင်း ခိုင်ရွန်းနီက ပြောပါတယ်။
ရွန်းနီမှာ သားလေးယောက်ရှိပြီး ခိုင်ရွန်းနီ အပါအဝင် အန်တိုနီ၊ ဂျိုးဇက်၊ မက်စ် ဆိုပြီးရှိတယ်။
