ရုရှားနိုင်ငံမှာ ကိုရီးယားနိုင်ငံသားတဦး သူလျှိုလုပ်တယ်ဆိုတဲ့ စွဲချက်နဲ့ ဖမ်းဆီးခံထားရကြောင်း တောင်ကိုရီးယား နိုင်ငံခြားရေးဝန်ကြီးဌာနက မတ် ၁၂ ရက်မှာ အတည်ပြုပါတယ်။
ဖမ်းဆီးခံရသူ ပြန်လာနိုင်ဖို့အတွက် အကူအညီတွေ လုပ်ဆောင်နေကြောင်းလည်း ကောင်စစ်ဝန်ရုံးဟာ ပြောပေမဲ့ အသေးစိတ် အခြေအနေတွေကိုတော့ မဖော်ပြထားပါဘူး။
တောင်ကိုရီးယား နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လင်းမ် ဆူးဆုခ်က “အစိုးရအနေနဲ့ ကျနော်တို့ရဲ့ နိုင်ငံသားတွေကို သူ့မိသားစုဆီ စောစောစီးစီး ပြန်လာနိုင်ဖို့ မျှော်လင့်ထားပြီး ရုရှားဘက်နဲ့လည်း လိုအပ်တဲ့ ဆက်သွယ်မှုတွေ လုပ်နေပါတယ်” လို့ သတင်းစာရှင်းလင်းပွဲမှာ ပြောခဲ့ပါတယ်။
အသေးစိတ် အချက်အလက်တွေအပေါ် မှတ်ချက်ပေးဖို့ ခက်ခဲတာကို နားလည်ပေးဖို့လည်း ပြောပါတယ်။
ဘဲ့ဝန်းဆူလို့ အမည်ရှိတဲ့ အဲဒီအမျိုးသားကို ဗလာဒီဗော့စတော့ကနေ မော်စကိုမြို့ကို လွှဲပြောင်းပေးခဲ့ပြီး သူဟာ လျှို့ဝှက် သတင်းအချက်အလက်တွေကို နိုင်ငံခြား ထောက်လှမ်းရေး အေဂျင်စီတွေဆီ လွှဲပြောင်းပေးခဲ့တယ်လို့ ရုရှားနိုင်ငံပိုင် TASS သတင်းဌာနက အစောပိုင်းမှာ ထုတ်ပြန်ခဲ့ပါတယ်။
ဖမ်းဆီးခံရသူဟာ ရုရှားနိုင်ငံ အရှေ့ဖျားမှာ အခြေစိုက်တဲ့ မြောက်ကိုရီးယား အလုပ်သမားတွေကို ပံ့ပိုးကူညီနေတဲ့ သာသနာပြုတဦးဖြစ်တယ်လို့ တောင်ကိုရီးယား မီဒီယာတွေက အင်္ဂါနေ့မှာ ဖော်ပြခဲ့ပါတယ်။
Source/Photo-Reuters
