လီဗာပူးအသင်းနဲ့ပွဲစဉ်မှာ လူစားလဲတာကို မကျေနပ်တဲ့ ဒီဘရိုင်းရဲ့ အပြုအမူအပေါ် ပျော်ရွှင်ကျေနပ်ကြောင်း မန်စီးတီးနည်းပြ ဂွါဒီယိုလာက ပြောသွားပါတယ်။

ဒီဘရိုင်းဟာ လီဗာပူးအသင်းနဲ့ တဂိုးစီသရေကျခဲ့တဲ့ပွဲစဉ်မှာ အဖွင့်ဂိုးအတွက် ဖန်တီးပေးနိုင်ခဲ့ပေမဲ့ ဒုတိယပိုင်း ပွဲချိန် ၆၉ မိနစ်မှာ ကိုဗာဆစ်နဲ့ လူစားလဲခံခဲ့ရတာပါ။

အဲဒီနောက် ကွင်းထဲကနေ ထွက်ခွာရာမှာ နည်းပြဂွါဒီယိုလာနဲ့ စကားအချေအတင် ဖြစ်ခဲ့တာပါ။

ဂွါဒီယိုလာကတော့ သူ့ကစားသမားရဲ့ အပြုအမူနဲ့ပတ်သက်လို့ ပျော်ရွှင်ကျေနပ်ပြီး ဒီဘရိုင်းရဲ့ စိတ်ပျက်လက်ပျက်ဖြစ်မှု အပေါ်မှာလည်း သဘောကျကြောင်း၊ လက်ရှိအချိန်မှာတော့ ပြန်လည်အဆင်ပြေသွားပြီဖြစ်ကြောင်း ဂွါဒီယိုလာက ပြောပါတယ်။

ဒီဘရိုင်းကို လူစားလဲလိုက်ပြီးတဲ့နောက်မှာ ပိုကောင်းတဲ့ကစားပုံ ရရှိခဲ့ကြောင်းနဲ့ ဒီဘရိုင်းက အသင်းအတွက် အရေးပါတဲ့ ကစားသမားဖြစ်ကြောင်း ဂွါဒီယိုလာက ပြောသွားပါတယ်။

Photo-Reuters