တိုက်စစ်မှူး ဒါဝင်နူညက်ဇ်ရဲ့ခြေစွမ်းပိုကောင်းလာဖို့ရှိသေးကြောင်း လီဗာပူးနည်းပြ ယာဂန် ကလော့ပ်က ချီးကျူးသွားပါတယ်။
နူညက်ဇ်ဟာ မနေ့ညက ကစားခဲ့တဲ့ စပါတာပရပ်နဲ့ ယူရိုပါလိဂ်ရှုံးထွက်ပွဲစဉ်မှာ ၂ ဂိုးသွင်းပြီး ခြေစွမ်းပြခဲ့သူပါ။
ပြိုင်ပွဲစုံမှာ ၁၆ ဂိုးသွင်းယူထားပြီးဖြစ်တဲ့ နူညက်ဇ်ဟာ သူ့ရဲ့ ပထမဆုံးရာသီမှာ အသင်းနဲ့အံဝင်တာထက်ပိုတဲ့ စွမ်းဆောင်ရည်ပြသနိုင်ခဲ့ပြီး အခုထက်ပိုကောင်းလာ ဖို့ရှိ သေးကြောင်း နည်းပြကလော့ပ်က ပြောပါတယ်။
နူညက်ဇ်ဟာ တိုက်စစ်မှူးကောင်းတဦးရဲ့ စိတ်နေ သဘောထားအပြည့်အဝရှိသူဖြစ်ပြီး အခွင့်အရေးတွေ လွဲချော်ခဲ့ဖူးတာမှန်ပေမဲ့ ရှေ့ဆက်သွားပြီး ကြိုးစားနေဖို့က အရေးပါဆုံးဖြစ်တယ်လို့ နည်းပြကလော့ပ်က ပြောပါတယ်။
ယူရိုပါလိဂ်ပွဲစဉ်မှာ နောက်ခံလူ ကိုနာတေးက ဒဏ်ရာအခြေအနေကြောင့် လူစားလဲခဲ့ရပေမဲ့ ပြင်းထန်မှုမရှိကြောင်းလည်း နည်းပြကလော့ပ်က အတည်ပြုသွားပါတယ်။
Photo-Reuters
