လက်ကျန်ပွဲစဉ်အားလုံးအနိုင်ယူနိုင်မှသာ ချန်ပီယံဖြစ်နိုင်မယ်ဟု အာဆင်နယ် နည်းပြပြော
DVB
·
March 4, 2024
အာဆင်နယ်အသင်းအနေနဲ့ လက်ကျန်ပွဲစဉ်အားလုံး အနိုင်ယူနိုင်မှသာ ပရီးမီးယားလိဂ်ချန်ပီယံ ဖြစ်နိုင်မယ်လို့ နည်းပြအာတေတာက ပြောသွားပါတယ်။
ပရီးမီးယားလိဂ်ချန်ပီယံဖြစ်ဖို့ဆိုရင် ရမှတ် ဘယ်လောက်ရရှိမှဖြစ်မလဲဆိုတဲ့ မီဒီယာတွေရဲ့ မေးခွန်းအပေါ် နည်းပြအာတေတာက ပြန်လည်ဖြေကြားခဲ့တာပါ။
ချန်ပီယံဖြစ်ဖို့ အမှတ်ဘယ်လောက်လိုမလဲဆိုတာ ပဟေဠိလုပ်နေစရာ မလိုအပ်ဘဲ လက်ကျန်ပွဲစဉ်အားလုံး အနိုင်ယူနိုင်ဖို့သာ လိုအပ်ကြောင်း နည်းပြအာတေတာက ပြောသွားတာပါ။
အာဆင်နယ်ဟာ ပြိုင်ဘက်တွေထက် တပွဲကျန်အနေအထားမှာ ထိပ်ဆုံးက လီဗာပူးနဲ့ ၅ မှတ်၊ ဒုတိယနေရာက မန်စီးတီးနဲ့ ၄ မှတ် အသီးသီးကွာဟနေပြီး အဆင့် ၃ နေရာမှာ ရပ်တည်နေတာ ဖြစ်ပါတယ်။
Photo-Reuters/John Sibley
