ထိုင်းတွင် တရားမဝင် မြန်မာရွှေ့ပြောင်းအလုပ်သမား ၈ ဦး ဖမ်းဆီးခံရ
DVB
·
February 29, 2024
ထိုင်းနိုင်ငံကို တရားမဝင် ဝင်ရောက်လာတဲ့ မြန်မာရွှေ့ပြောင်းအလုပ်သမား ၈ ဦး ဖေဖော်ဝါရီ ၂၉ ရက် မနက် ၅ နာရီလောက်က တာခ်ခရိုင် မဲ့လမမြို့ နဲ့ ကျူ့တိုက်နယ် မယ်လဒုက္ခသည်စခန်းအနီး အဝင်ဂိတ်မှာ ဖမ်းဆီးခံခဲ့ရပါတယ်။
အဆိုပါ ရွှေ့ပြောင်းမြန်မာအလုပ်သမားတွေဟာ မြဝတီမြို့မှတဆင့် မဲဆောက်နဲ့ ဘန်ကောက်မြို့ကြီးတွေမှာ အလုပ်သွားရောက်လုပ်ကိုင်ဖို့အတွက် ကားတစီးနဲ့ လာခဲ့ကြတာဖြစ်ပြီး ထိုင်းစစ်တပ်စစ်ဆေးရေးဂိတ်တခုမှာ ဖမ်းဆီးခံခဲ့ရတာပါ။
ဖမ်းဆီးမိတဲ့ လူကုန်ကူးသူ ၂ ဦးအပါအဝင် ကျား ၆ ဦး၊ မ ၂ ဦး စုစုပေါင်း ၈ ဦးကို မော်တော်ယာဉ်နဲ့အတူ လူကုန်ကူးမှုဥပဒေအရ တရားစွဲတင်နိုင်ဖို့ ထိုင်းစစ်တပ်က မဲ့လမမြို့မရဲစခန်းကို လွှဲပြောင်းပေးအပ်ခဲ့တယ်လို့ ထိုင်းသတင်းတွေမှာ ဖော်ပြထားပါတယ်။
