အာဆင်နယ်ဂန္ထဝင်ကစားသမားဟောင်း ဒင်းနစ်ဘားကမ့်နဲ့ ကစားသမားဟောင်းတွေဟာ အင်္ဂလန်ကလပ် အသင်းတသင်းကို ဝယ်ယူဖို့ စီစဉ်နေပါတယ်။
ဘောလုံးအေးဂျင့် ရော့ဘ်ဂျန်ဆန်ရဲ့ အဆိုအရ ဘားကမ့်ဟာ ဟော်လန်နဲ့ လီဗာပူးကစားသမားဟောင်း ဒါးခ်ကု၊ ဆွီဒင်ကစားသမားဟောင်း ဟင်းနရစ်လာဆင်တို့နဲ့ အတူ အင်္ဂလန်ကလပ်အသင်းတသင်းကို ဝယ်ယူဖို့ စီစဉ်နေတာပါ။
ပရီးမီးယားလိဂ်နဲ့ ချန်ပီယံရှစ် အသင်းတသင်းကို ဝယ်ယူနိုင်မှာတော့မဟုတ်ဘဲ လိဂ်ဝမ်း ဒါမှမဟုတ် လိဂ်တူးက အသင်းတသင်းကို ဝယ်ယူဖို့ ကြိုးပမ်းမယ်လို့ဆိုပါတယ်။
နည်းပြချုပ်အဖြစ် ဟင်းနရစ်လာဆင်က တာဝန်ယူသွားမှာဖြစ်ပြီး ဒင်းနစ်ဘားကမ့်က လူငယ် အကယ်ဒမီကို တာဝန်ယူမှာဖြစ်ကာ ဒါးခ်ကုအပါအဝင် ဟော်လန်နည်းပြ ရော်နယ်ကိုးမန်း ဟာလည်း အသင်းရဲ့ နည်းစနစ် ပိုင်းဆိုင်ရာကို တာဝန်ယူသွားဖို့ ရှိတယ်လို့ သိရပါတယ်။
ဟော်လန်ကစားသမားဟောင်းတွေအနေနဲ့ ဘယ်အသင်းကို ဝယ်ယူမလဲဆိုတာကိုတော့ ထုတ်ဖော်ပြောကြားခြင်း မရှိသေးပါဘူး။
Photo-Reuters
