မန်ယူနောက်ခံလူ လုခ်ရှော ဘောလုံးရာသီကုန်အထိ နားရမည်
DVB
·
February 22, 2024
မန်ယူနောက်ခံလူ လုခ်ရှောဟာ ဒဏ်ရာကြောင့် အခုနှစ်ဘာလုံးရာသီကုန်ဆုံးချိန်အထိ အနားယူရ မှာဖြစ်တယ်လို့ သိရပါတယ်။
အင်္ဂလန်ဘယ်နောက်ခံလူဟာ ပြီးခဲ့တဲ့တပတ်က ကစားခဲ့တဲ့ လူတန်တောင်းနဲ့ ပွဲစဉ်မှာ ပွဲထွက် ကစားခဲ့ပေမဲ့ ပထမပိုင်းအပြီးမှာပဲ လူစားလဲ ခံရခဲ့တာပါ။ ခြေထောက် ကြွက်သားဒဏ်ရာ ရရှိခဲ့တာဖြစ်ပြီး ၃ လခန့်အနားယူရဖို့ ရှိနေတာပါ။
အသက် ၂၈ နှစ်ရှိ နောက်ခံလူဟာ ရာသီအစပိုင်းကတည်းက ပေါင်ခြံဒဏ်ရာကြောင့် ၃ လလောက် အနားယူခဲ့ရပါသေးတယ်။
လုခ်ရှောဟာ ယူနိုက်တက်အသင်းရဲ့ လက်ကျန်ပရီးမီးယားလိဂ် ၁၃ ပွဲစလုံးကို လွဲချော်တော့မှာ ဖြစ်ပြီး အက်ဖ်အေဖလား ပွဲစဉ်ကိုလည်း လွဲချော်တော့မှာပါ။
ဒီသတင်းဟာ အင်္ဂလန်နည်းပြ ဆောက်ဂိတ်အတွက်လည်း ခေါင်းခဲစရာဖြစ်ခဲ့ပြီး ဘယ်နောက်ခံ လူသစ် တဦးကို အစားထိုး ရွေးချယ်သွားရဖို့ရှိပါတယ်။
Photo-Reuters
