လီဗာကူဆင်နည်းပြ ဇာဗီအလွန်ဆိုဟာ အနာဂတ်နည်းပြလောကမှာ ထင်ပေါ်လာမယ့်သူလို့ လီဗာပူး နည်းပြ ယာဂန်ကလော့ပ်က ချီးကျူးသွားပါတယ်။
ရာသီအကုန်မှာ လီဗာပူးကနေထွက်ခွါမယ့် ကလော့ပ်ရဲ့နေရာကို ကစားသမားဟောင်း အလွန်ဆိုက တာဝန်ယူလိမ့်မယ်ဆိုတဲ့ သတင်းတွေထွက်ပေါ် နေချိန်မှာ ကလော့ပ်က အလွန်ဆိုကို ချီးကျူးခဲ့တာပါ။
အလွန်ဆိုဟာ လီဗာကူဆင်အသင်းမှာ ထူးချွန် စွာလုပ်ဆောင်နေကြောင်း၊ နိုင်ပွဲတွေ ရရှိရုံတင်မဟုတ်ဘဲ ကစားပုံကပါ ကောင်းမွန်အောင်လုပ်ဆောင် နိုင်သူဖြစ်ကြောင်း နည်းပြကလော့ပ်က ချီးကျူးပါတယ်။
ဒါ့အပြင် အန်စလော့တီ၊ မော်ရင်ညို၊ ဂွာဒီယိုလာ တို့လို နည်းပြတွေက နောက်ထပ်နှစ်တွေ အကြာကြီး နည်းပြနိုင်မှာမဟုတ်တော့ကြောင်း၊ အလွန်ဆိုလို မျိုးဆက်သစ် နည်းပြကောင်းတွေကသာ အနာဂတ်ကို ဦးဆောင်သွားမှာဖြစ်ကြောင်း နည်းပြကလော့ပ်က ပြောသွားပါတယ်။
ကလော့ပ်ရဲ့ မှတ်ချက်စကားကြောင့် အလွန်ဆိုဟာ ရာသီအကုန်မှာ လီဗာပူးနည်းပြဖြစ်လာဖို့ ပိုမိုရေပန်းစားလာခဲ့ပါတယ်။
Photo-Reuters
