နောက်ခံလူ အာနိုးလ် လိဂ်ဖလားဗိုလ်လုပွဲအပါဝင် ပွဲစဉ် ၅ ပွဲခန့် လွဲချော်မည်
DVB
·
February 15, 2024
လီဗာပူးနောက်ခံလူ အာနိုးလ်ဟာ ဒူးဒဏ်ရာကြောင့် လိဂ်ဖလားဗိုလ်လုပွဲအပါအဝင် အသင်းရဲ့ပွဲစဉ် ၅ ပွဲလောက် လွဲချော်ဖို့ရှိပါတယ်။
အင်္ဂလန်ညာနောက်ခံလူဟာ ဘန်လေအသင်းကို အနိုင်ရတဲ့ပွဲစဉ်မှာ ဒူးဒဏ်ရာရခဲ့လို့ ဒုတိယပိုင်းစတင်ကတည်းက လူစားလဲခဲ့ရတာပါ။
ဒဏ်ရာအခြေအနေအရ ဘယ်လောက်ကြာကြာ အနားယူရမလဲဆိုတာ သေချာမသိနိုင်သေးပေမဲ့ လက်ရှိအခြေအနေအရ အသင်းရဲ့ပွဲစဉ် ၅ ပွဲလောက်အထိ လွဲချော်ဖို့ရှိနေတာပါ။
လီဗာပူးအသင်းဟာ လာမယ့် ဖေဖော်ဝါရီ ၂၅ ရက်မှာ ချဲလ်ဆီးအသင်းနဲ့ EFL ဖလား ဗိုလ်လုပွဲကစားရမှာဖြစ်ပြီး မန်စီးတီးနဲ့ ပွဲစဉ်လည်း ရှိနေတာပါ။
အာနိုးလ်အနေနဲ့ ဒူးဒဏ်ရာ မျှော်လင့်သလောက် တိုးတက်မလာဘူးဆိုရင် မတ်လ ၁၀ ရက်မှာ ကစားရမယ့် မန်စီးတီးနဲ့ပွဲစဉ်အပါအဝင် ဘရန့်ဖို့ဒ်၊ လူတန်၊ ချဲလ်ဆီး၊ ဆောက်သမ်တန် အသင်းတွေနဲ့ပွဲစဉ်တွေကို လွဲချော်နိုင်တယ်လို့သိရပါတယ်။
Photo-Reuters
