ချန်ပီယံလိဂ်ဆုဖလားကို ကာကွယ်နိုင်မည်ဟု နည်းပြဂွါဒီယိုလာ ယုံကြည်
DVB
·
February 13, 2024
ဥရောပချန်ပီယံလိဂ်ဆုဖလားကို ကာကွယ်နိုင်လိမ့်မယ်လို့ ယုံကြည်ကြောင်း မန်စီးတီး နည်းပြ ဂွါဒီယိုလာက ပြောသွားပါတယ်။
မန်စီးတီးဟာ မနှစ်က ချန်ပီယံလိဂ်ဆုဖလားအပါအဝင် အဓိကဆုဖလားသုံးလုံးစလုံးရယူနိုင်ခဲ့ပြီး အခုနှစ်ရာသီမှာလည်း အလားတူ အောင်မြင်မှု ထပ်မံလုပ်ဆောင်နိုင်မယ်လို့ ယုံကြည်နေတာပါ။
လွန်ခဲ့တဲ့ ၈ နှစ်တုန်းက ချန်ပီယံလိဂ်ဆုဖလားဟာ မန်စီးတီးအတွက်ကြီးမားလွန်းတယ်လို့ ခံစားရပေမဲ့ လက်ရှိအချိန်မှာတော့ အသင်းရှိ လူတွေအားလုံးက ချန်ပီယံဆုကို ကာကွယ်နိုင်မယ်ဆိုတဲ့ ယုံကြည်ချက်ရှိနေကြောင်း ဂွာဒီယိုလာကပြောပါတယ်။
မန်စီးတီးဟာ နောက်ဆုံး ၃ နှစ်အတွင်းမှာ အနိမ့်ဆုံးအဖြစ် ဆီမီးဖိုင်နယ်အထိတက်လှမ်းနိုင်ခဲ့ တာပါ။ အခုနှစ် ၁၆ သင်းအဆင့်ရှုံးထွက်မှာတော့ ဒိန်းမတ်ကလပ် ကိုပေဟေဂင်အသင်းနဲ့ ဖေဖော်ဝါရီ ၁၄ ရက်မှာ ယှဉ်ပြိုင်သွားရမှာဖြစ်ပါတယ်။
Photo-Reuters
