အမေရိကန်နိုင်ငံ ကာလီဖိုးနီးယားပြည်နယ်တောင်ပိုင်းက ရဟတ်ယာဉ်ပျက်ကျမှုအတွင်း နိုင်ဂျီးရီးယားနိုင်ငံရဲ့ အကြီးဆုံး ရင်းနှီးမြှုပ်နှံသူ လုပ်ငန်းတွေထဲက တခုရဲ့ အမှုဆောင် အရာရှိချုပ် အပါအဝင် လူ ၆ ယောက် သေဆုံးခဲ့တယ်လို့ အာဏာပိုင်တွေက ဖေဖော်ဝါရီ ၁၀ ရက်မှာ ပြောပါတယ်။
လူ ၆ ဦး စီးနင်းလိုက်ပါလာတဲ့ ရဟတ်ယာဉ်ဟာ နီဗားဒါးပြည်နယ် ဘိုးဒါးလ်မြို့ကို သွားနေတုန်း ကာလီဖိုးနီးယားပြည်နယ် ဟော်လိုရန် စပရင်းစ်ဒေသနားမှာ ည ၁၀ နာရီလောက်က ပျက်ကျခဲ့တာလို့ အမျိုးသားသယ်ယူပို့ဆောင်ရေးနဲ့ ဘေးကင်းရေးဘုတ်အဖွဲ့ (NTSB) က ပြောပါတယ်။
သေဆုံးခရီးသည်တွေထဲက တယောက်ဟာ အက်ဆက်စ် ဘဏ်အုပ်စုရဲ့ အမှုဆောင် အရာရှိချုပ် ဟားဘတ်ထ် ဝစ်ဂ်ဝီဖြစ်ပြီး နိုင်ဂျီးရီးယား Exchange Group ရဲ့ ဥက္ကဋ္ဌဟောင်း အာဘင်ဘိုလာ အိုဂန်ဘန်ဂျိုနဲ့အတူ သေဆုံးကြောင်းကို ကမ္ဘာ့ကုန်သွယ်ရေးအဖွဲ့ကြီး WTO ရဲ့ ညွှန်ချုပ် အန်ဂိုဇီ အိုခွန်ဂျို အီဝှေးလားက လူမှုကွန်ယက်မီဒီယာ X မှာ အတည်ပြုပါတယ်။
ရဟတ်ယာဉ်ပျက်ကျချိန်မှာ လေရောမိုးပါ ရွာသွန်းတိုက်ခတ်နေတယ်လို့ မျက်မြင် သက်သေတွေက အစီရင်ခံပါတယ်။ ရဟတ်ယာဉ်ထဲမှာ လေယာဉ်မှူး အခန်းထဲက အသံနဲ့ ပျံသန်းမှုဒေတာ မှတ်တမ်းတင်စက်တွေ တပ်ဆင်မထားဘူးလို့ NTSB က ပြောပါတယ်။
Source/Photo-REUTERS/Susana Vera
