အီတလီနိုင်ငံ၊ ရောမမြို့တော်အနီးက ရွှေ့ပြောင်းနေထိုင်သူများ ထိန်းသိမ်းရေးဌာနမှာ ထိန်းသိမ်းခံ လူငယ်အမျိုးသားတယောက်က သူ့ကိုယ်သူ သတ်သေပြီးနောက် ရုတ်ရုတ်သဲသဲ ဖြစ်ခဲ့လို့ လူ ၁၄ ယောက်ကို ဖမ်းဆီးခဲ့တယ်လို့ အီတလီအာဏာပိုင်တွေက ဖေဖော်ဝါရီ ၅ ရက်မှာ ပြောပါတယ်။
ဂီနီနိုင်ငံသား အသက် ၂၁ နှစ်အရွယ် အမျိုးသားတယောက်ရဲ့ အလောင်းကို တွေ့အပြီးမှာ ထောင်ဆူမှု ဖြစ်ခဲ့တာပါ။
မွေ့ယာတွေကို မီးရှို့ပြီး ပစ္စည်းတွေကို လွှင့်ပစ်ရင်း ထိန်းသိမ်းခံတွေက ယာဉ်ရပ်နားစခန်းဆီ ပြေးထွက်ဖို့ ကြိုးစားခဲ့တဲ့ ဖေဖော်ဝါရီ ၄ ရက်က ဆူပူလှုပ်ရှားမှုအတွင်း စစ်သားတယောက်နဲ့ ရဲအရာရှိ ၂ ယောက် ဒဏ်ရာရခဲ့ပါတယ်။
စာရွက်စာတမ်း အထောက်အထားမဲ့ ရွှေ့ပြောင်းနေထိုင်သူတွေကို ယာယီထိန်းသိမ်းရာ ဌာနဖြစ်တဲ့ ပွန်ချေဂါ လေးရီယာ အကျဉ်းစခန်းကို ပြန်ထိန်းချုပ်ဖို့ ကြိုးစားရင်း ရဲတွေက မျက်ရည်ယိုဓာတ်ငွေ့တွေကို သုံးခဲ့ရပါတယ်။ ဒီအကျဉ်းစခန်းဟာ ရောမမြို့တော်ရှိ ဖျူမီချီယိုမြို့ရဲ့ အဓိက လေဆိပ်နဲ့ နီးပါတယ်။
Source/Photo-Reuters
