လီဗာပူးအသင်းကို အနိုင်ရရှိပြီးတဲ့နောက်မှာ ပရီးမီးယားလိဂ် ချန်ပီယံပြေးလမ်းထဲ ဝင်လာပြီဖြစ်ကြောင်း အာဆင်နယ်နည်းပြ အာတေတာက ပြောသွားပါတယ်။
အာဆင်နယ်ဟာ မနေ့ညက ကစားသွားခဲ့တဲ့ လီဗာပူးနဲ့ အိမ်ကွင်းပွဲစဉ်မှာ ၃ ဂိုး ၁ ဂိုးနဲ့ အနိုင်ရခဲ့ပြီး ဇယားထိပ်ဆုံးမှာ ရပ်တည်နေတဲ့ လီဗာပူးနဲ့ ၂ မှတ်ပဲ ကွာဟတော့တာပါ။
တတိယနေရာက မန်စီးတီးက လက်ကျန်နှစ်ပွဲစလုံး အနိုင်ရမယ်ဆိုရင် ထိပ်ဆုံးနေရာကို တက်လှမ်းနိုင်မှာပါ။
လီဗာပူးနဲ့ပွဲစဉ်မှာ အသင်းသားတွေဟာ ဘောလုံးထိချက်တိုင်း နှလုံးသား၊ ဝိညာဉ်တွေနဲ့ ကစားခဲ့ပြီး အထက်တန်းစားစိတ်ဓာတ် ပြသနိုင်ခဲ့လို့ အနိုင်ရခဲ့တာဖြစ်ကြောင်း၊ ချန်ပီယံပြေးလမ်းထဲ ပြန်ရောက်လာပြီဖြစ်ပြီး ပြေးလမ်းပေါ်မှာ ဆက်ရှိနေဖို့ ကြိုးပမ်းသွားရမှာ ဖြစ်ကြောင်း နည်းပြ အာတေတာက ပြောပါတယ်။
ပွဲပြီးချိန်မှာ ခြေစွမ်းပြခဲ့တဲ့ ဆာကာ နာကျင်မှုဝေဒနာ ခံစားခဲ့ရပေမဲ့ ဒဏ်ရာရရှိတာ မဟုတ်ကြောင်း နည်းပြအာတေတာက အသိပေးသွားပါတယ်။
Photo-Reuters
