လီဗာပူးနည်းပြ ယာဂန်ကလော့ပ်ဆီကနေ သင်ယူမှုတွေ အများကြီးလုပ်ဆောင်ခဲ့ကြောင်း အာဆင်နယ်နည်းပြ အာတေတာက ဝန်ခံပြောသွားပါတယ်။
အာဆင်နယ်ဟာ ဒီကနေ့ညမှာ လီဗာပူးကို အီမရိတ်မှာ လက်ခံယှဉ်ပြိုင်သွားရမှာဖြစ်ပြီး ပွဲမတိုင်ခင် သတင်းစာရှင်းလင်းပွဲမှာ နည်းပြကလော့ပ်အပေါ် လေးစားမှုရှိကြောင်း အာတေတာက ပြောခဲ့တာပါ။
ကလော့ပ်ဆီကနေ လေ့လာသင်ယူမှုတွေ အများကြီးလုပ်ဆောင်ခဲ့ပြီး အထူးသဖြင့် အသင်းရဲ့ အမှတ်အသားကို တည်ဆောက်တဲ့အပိုင်းမှာဖြစ်တယ်လို့ အာတေတာကပြောပါတယ်။
ဒါ့အပြင် ကလော့ပ်ဟာ ကိုင်တွယ်ခဲ့တဲ့ အသင်းတိုင်းမှာ ကိုယ်ပိုင် အမှတ်အသားတခုရအောင် လုပ်ဆောင်ပြီး ရှင်းလင်းတဲ့ ရည်မှန်းချက်နဲ့ အပြုအမူကောင်းတွေလည်း ရှိကြောင်း၊ အသင်းပရိသတ်တွေအတွက် အားပေးရကျိုးနပ်ပြီး ဂုဏ်ယူစရာကောင်းတဲ့အသင်း ဖြစ်အောင် လုပ်ဆောင်နိုင်တဲ့ နည်းပြဖြစ်ကြောင်း ယာဂန်ကလော့ပ်အပေါ် နည်းပြ အာတေတာက ချီးကျူးသွားပါတယ်။
Photo - Reuters
