ဘရိုက်တန်အသင်းကို ဂိုးပြတ်နိုင်ပွဲက အသင်းကို လူတွေသတိထားမိစေလိမ့်မယ်လို့ လူတန်တောင်းနည်းပြ ရော့ဘ်အက်ဒ်ဝါ့ဒ်က ပြောသွားပါတယ်။
လူတန်အသင်းဟာ စွမ်းဆောင်ရည်ကောင်းတွေကြောင့် နာမည်ရလာတဲ့ ဘရိုက်တန်အသင်းကို ၄ ဂိုး ဂိုးမရှိနဲ့ အနိုင်ယူခဲ့တာဖြစ်ပြီး တန်းဆင်းဇုန်ကနေလည်း ရုန်းထွက်နိုင်ခဲ့တာပါ။
ဘရိုက်တန်အသင်းကို ၄ ဂိုးပြတ်သွင်းပြီး အနိုင်ရခဲ့တာက အသင်းအပေါ် လူတွေ သတိထားမိစေမှာဖြစ်ပြီး ဒီလိုစွမ်းဆောင်ရည်မျိုး များများစားစား မလုပ်နိုင်ခဲ့ကြောင်း နည်းပြ အက်ဒ်ဝါ့ဒ်က ပြောပါတယ်။
ပရီးမီးယားလိဂ်မှာ တိုက်စစ်အားပြု ကစားတာကပဲ အကောင်းဆုံးနည်းလမ်းဖြစ်တယ်ဆိုတာ ပြသနိုင်ခဲ့တဲ့ပွဲစဉ် ဖြစ်ကြောင်းလည်း လူတန်တောင်းနည်းပြက ပြောသွားပါတယ်။
ဘရိုက်တန်ကို အနိုင်ရတဲ့ပွဲမှာ တိုက်စစ်မှူး အဒီဘာရိုက ဟတ်ထရစ် သုံးဂိုးသွင်းခဲ့ပြီး အောက်တန်းအသင်းတွေကနေ တက်လာတဲ့ ကစားသမားတယောက်အတွက် အိပ်မက်တွေ အမှန်တကယ်ဖြစ်လာတဲ့နေ့ ဖြစ်ကြောင်း အဒီဘာရိုက ပြောသွားပါတယ်။
Photo-Reuters
