ဂိုးသမား ဒီဂီယာ ဆော်ဒီကလပ် အယ်လ်ရှာဘက်အသင်းဆီ ပြောင်းရွှေ့ရန် ဆွေးနွေး
DVB
·
January 29, 2024
မန်ယူဂိုးသမားဟောင်း ဒီဂီယာဟာ ဆော်ဒီကလပ် အယ်လ်ရှာဘက်အသင်းဆီ ပြောင်းရွှေ့ဖို့ ဆွေးနွေးနေပါတယ်။
အသက် ၃၃ နှစ်ရှိ စပိန်လက်ရွေးစင်ဂိုးသမားဟောင်းဟာ မနှစ်ကရာသီအကုန်မှာ မန်ယူအသင်းကနေ ထွက်ခွာခဲ့ပြီးနောက် ရာသီဝက်ကာလအထိ အသင်းသစ်ရှာမတွေ့ဘဲ ဖြစ်နေရတာပါ။
လက်ရှိအချိန်မှာတော့ ဆော်ဒီလိဂ်မှာ ထိပ်တန်းအသင်းတသင်းဖြစ်လာဖို့ ရည်မှန်းနေတဲ့ အယ်လ်ရှာဘက်အသင်းနဲ့ ဆွေးနွေးမှုတွေ စတင်လုပ်ဆောင်နေပါတယ်။
အယ်လ်ရှာဘက်အသင်းဟာ ၁၈ သင်းရှိတဲ့ ဆော်ဒီပရိုလိဂ်မှာ အဆင့် ၁၁ နေရာမှာ ရပ်တည်နေပြီး ဘာစီလိုနာကွင်းလယ်လူဟောင်း ရာကီတစ်ကို ခေါ်ယူဖို့ ဆီဗီလာအသင်းနဲ့ ဆွေးနွေးနေသလို နယူးကာဆယ်တောင်ပံကစားသမား အယ်လ်မီရွန်နဲ့ ဂါလာတာစာရေးမှာ အငှားထွက်ကစားနေတဲ့ ချဲလ်ဆီးက ဇီယက်ချ်ကိုလည်း ခေါ်ယူဖို့ ဆွေးနွေးနေပါတယ်။
Photo-Reuters
